زێدۆ باعه‌درى:ل به‌غدايێ بزاڤێن دووركرنا ئێزديان ژ كوردستانێ دئێنه كرن
سه‌ما_به‌ختيار قادر:
ڕاوێژكاره‌كێ ئێزدى ل په‌رله‌مانێ كوردستانێ ئاماژێ ب وێ چه‌ندێ دده‌ت،كو ل په‌رله‌مانێ عيراقێ بزاڤێن كۆمكرنا ئيمزايان بۆ دووركرنا ئێزديان ژ ئايينێ ڕه‌سه‌نێ كوردايه‌تيێ دئێنه كرن و داخوازێ ل په‌رله‌مانتارێن ب شه‌ره‌فمه‌ندانه دكه‌ين ڤان پيلانان ب هه‌لوه‌شينن و ده‌نگى ل سه‌ر نه‌ده‌ن.
شێخ زێدۆ باعه‌درى، ڕاوێژكارێ ئێزدى ل په‌رله‌مانێ كوردستانێ تايبه‌ت بۆ(سه‌ما)ڕاگه‌هاند؛پشتى مه بزاڤێن هنده‌كان زانى بۆ ب ئارمانجكرنا ئێزديان ژ ڕوويێ سياسى ڤه و ب پێكهاته‌يه‌كێ نه‌ته‌وه‌يى بزانن و ژ ئايينێ ڕه‌سه‌نێ كوردايه‌تيێ دوور بكه‌ن،وه‌ك چاوان پتريا كوردان ل ده‌مێن بۆرى ئه‌ڤ ئايين قه‌بوول دكرن،ئه‌م به‌رسڤا ڤان هه‌ولێن ترسناك يێن خودان پرۆژه‌يه‌كێ لايه‌نگرێ سياسى دێ ده‌ين.
گۆت ژى:ل ده‌ستپێكا وان يا خراب،ئه‌و بوو ئێزديان ب عه‌ره‌ب بزانن ل گه‌ل ڕێزێن مه بۆ عه‌ره‌بێن خودان ب شه‌ره‌ف،هه‌روه‌سا بۆ بده‌ستڤه‌ئينانا ڤێ چه‌ندێ ل سه‌ر ده‌مێ ڕژێما ژناڤچوويى دا نڤيسينگه‌ها ئه‌مه‌وى ل به‌غدا هاته ڤه‌كرن و عه‌ردێن ئێزديان ته‌عريب كرن،پشتى شكه‌ستن ئانين نياز هه‌بوو پشتى ڕزگاركرنا عيراقێ ئێزديان وه‌كو ئاشوورى بزانن و به‌لگه ل سه‌ر ڤێ چه‌ندێ مه هه‌نه،ديسان پشتى جاره‌كا دن شكه‌ستين حزبه‌ك بناڤێ ئێزديان دروستكر و هه‌موو شيانێن ل به‌ر ده‌ست بۆ دابينكرن،بۆ هندێ دوورى كوردستانێ و كوردايه‌تيێ بكه‌ن و به‌ره‌ف ئاقاره‌كێ نه ديار ببه‌ن ب مه‌ره‌ما ئاسانكاريێ بۆ هێرشكرنێ و ژناڤ ببه‌ن.
باعه‌درى زێده‌تر گۆت:داخوازێ ل په‌رله‌مانتارێن ب شه‌ره‌فمه‌ندانه دكه‌ين ڤان پيلانان هه‌لوه‌شينن و ده‌نگى ل سه‌ر نه‌ده‌ن و ديرۆك دلۆڤانيێ ب كه‌سێ نابت يێ ده‌ست ل گه‌ى ڤى پرۆژێ خرابدا هه‌ى.
ناڤبرى باس ل وێ چه‌ندێ ژى كر،د ده‌مه‌كى دا ئه‌م مژوولى به‌ره‌نگاربوونا ڤى پرۆژه‌ى و پيلانێ دكه‌ين،داخوازێ ل هه‌موويان دكه‌ين دادپه‌روه‌رى و دادمه‌نديا ڤى پێكهاتێ ئايينى يێ پشتگوه خستى ژ ڕوويێ سياسى و كارگيرى ڤه و ده‌ڤه‌رێن مه ب تايبه‌تى شنگالێ ئاڤه‌دان بكه‌ن.
شيره‌تكارێ ئێزدى دوپاتكر ژى داخوازێ ل هه‌موو لايه‌كى دكه‌ين تايبه‌تمه‌نديا مه يا ئايينى بپارێزن و ب پێكهاته‌يه‌كێ ڕه‌سه‌نێ ئايينى بزانن و ڤى پێكهاته‌ى ژ مه‌ره‌م و پرسێن سياسى دوور بكه‌ن.