شه‌ریف سلێمان: مه داخوازا پێكئينانا ژۆرا ئۆپه‌راسیۆنان بۆ زڤرینا ئاواره‌يان كريه
باسنيوز:
ئه‌ندامه‌كێ لیژنا كۆچ و كۆچبه‌را ل په‌رله‌مانێ عێراقێ دیاركر:” من داخوازا ژ سه‌رۆك وه‌زێرێن حكوومه‌تا عێراقێ كریه ژوورا ئوپه‌رسیۆنا بۆ زڤرینا ئاواران بهێته چێ كرن دناڤبه‌را لایه‌نێن په‌ێوه‌ندار دا “.
شه‌ریف سلێمان ، ئه‌ندامێ لیژنا كۆچ و كۆچبه‌را ل په‌رله‌مانێ عێراقێ بۆ (باسنیوز)راگه‌هاند :” من داخوازا كریه ژوورا ئوپه‌رسیۆنا بۆ زڤرینا ئاواران بهێته چێ كرن دناڤبه‌را لیژنا كۆچ و كۆچبه‌ران ل په‌رله‌مانێ عێراقێ و وه‌زاره‌تا نافخۆ وكۆچ و كۆچبه‌ر و ساخله‌میێ و په‌روه‌دى دا داكو دروستاهى كار بهێته كرن ل سه‌ر زڤرینا ئاواره هه‌ر ئاواره‌كێ ڤه‌گه‌ری سوزنامه‌ك ل سه‌ر بهێته دروست كرن دووباره ئاواره نه‌بیت”.
ئاشكرا كر:” هنده‌ك ژ ئاواره پشتى قه‌ره‌بوویا وه‌ردگرن دووباره ئاواره دبن ل ڤیده‌ر پێتڤیه لیژنه‌ك هه‌بیت بكارێ خۆ رابیت ده‌مێ ئاواره ڤه‌دگه‌رن سوزنامه‌كێ ل سه‌ر بهێته دروست كرن دووباره ئاواره نه‌بیت نه‌هێته دناڤ كه‌مپان دا و پێتڤیه ئاواره ب كه‌رامه‌ت ڤه‌گه‌رن هه‌ر خێزانه‌كا دووباره ئاواره بیت بۆ جارا دویێ ناهێته قه‌ره‌بووكرن”.