ل شنگالێ ئێكه‌م وه‌لاتيێ ئێزدى سه‌نه‌دا تاپۆيێ وه‌رگرت
باسنيوز:
دوازدە کۆمەلگەهـ و پتر ژ 80 گۆندێن سه‌ر شنگال و بەعاج هه‌ر ژ سالا 1975ێ هەتا نوكە نه‌هاتینه تاپۆ كرن ل سه‌ر ناڤێ خه‌لكێ شنگالێ ب تایبه‌تى ژى ل سه‌ر ناڤێن ئێزدیان خانى نه‌دهاتنه تاپۆكرن، ئێزدی خەلكێ رەسەن یێ شنگالێنه و حكومه‌تێن عێراقێ ب مه‌ره‌ما گوهۆرینا دیموگرافیا شنگال و ته‌عریبێ خانى سه‌ر ناڤێ ئێزدیان تاپۆنه‌كرینه”.
باپیر خدر حه‌جى، سه‌رۆكێ باژێرڤانیا شنگال بۆ (باسنیوز) دیاركر، بریار هاتیه دان کۆ هه‌مى ده‌ڤه‌رێن ئێزدیان ل شنگال ل سه‌ر ناڤێ خه‌لكێ ئێزدى بهێنه تاپۆ كرن ب تایبه‌تى ژى خانى ل شنگال نه تاپوكرینه دێ هه‌مى ل سه‌ر ناڤێ خۆدانان هێنه تاپۆكرن”.
ئاشكرا كر، هژماره‌كا مه‌زن ژ خانیان ل شنگال هه‌نه هێشتا نه‌هاتینه تاپۆكرن ب مه‌ره‌ما ته‌عریبێ و گوهۆرینا دیموگرافیا شنگالێ خانى ل سه‌ر ناڤێ ئێزدیان نه‌دهاتنه تاپۆكرن ژلایێ حكومه‌تێن عێراقێ و ئه‌ڤ ئاریشه ژی گه‌له‌ك یا که‌ڤنه هه‌تا 12 كۆمه‌لگه‌هێن ئاكنجیبوونێ ل شنگال هه‌نه هه‌مى نه‌تاپۆكرینه، نوكه پارێزگارێ نه‌ینه‌وا بریار دایه کۆ هه‌مى خانیان بۆ خه‌لكێ تاپۆ بكه‌ت”.
باپیر خدر حه‌جى، گووت: تاپۆنەكرنا خانیان ل شنگال بوویه ئاریشه بۆ وه‌لاتیان ژبه‌ركو خه‌لك نه‌شێن كرین و فرۆتنێ ب خانیێن خۆ بكه‌ن گه‌له‌ك ئاریشه بۆ خه‌لكی ژبه‌ر تاپۆنەکرنا خانیان چێبووینه ئه‌م هێڤیدارێن هه‌مى خانى بهێنه تاپۆكرن ل سه‌ر ناڤێ خه‌لكێ شنگال”.
عەبدولقادر دەخیل پارێزگارێ نەینەوا ڕاگەهاند، ل سنورێ قەزا شنگالێ چ عەرد ب ناڤێ خه‌لكێ شنگال نەهاتینە تاپۆکرن، نوكه ئه‌م شیان ئێکەم سەنەدێ ب ناڤێ هاوڵاتیەکی ئێزدی دروست بكه‌ین و ده‌ست ب تاپۆكرنا خانیان ل شنگال هاته كرن”.