وه‌لاتيێن بێبانێ داخوازا دروستكرنا پره‌كا پياده بۆ هاتن وچونێ دكن
سه‌ما
جووتسايدێ به‌دريكێ_باعه‌درێ كو ب رێيه‌كا ده‌ولى دئێته دانان دنيڤا گوندێ بێبانێ ڕا ده‌رباز دبت و ڤێ چه‌ندێ كێشه بۆ هاتن و چوونا وه‌لاتيان دروستكريه.
ل ڕێکكەفتی 1/5/2023 دەست ب چێکرنا جاددەیا گشتی یا جووت سايدێ به‌دريكێ_باعه‌درێ ژلايێ کۆمپانیا ( نبز الرافدین ) ڤه هاتيه کرن كو جاده‌يا سه‌ره‌كى گوندێ بێبانێ كريه دوو به‌ش،وه‌لاتى ب ساناهى نكارن ده‌ربازى هه‌دروو لايان بن.
شێخ ڤیان میرزا،كه‌سايه‌تيێ گوندێ بێبانێ بۆ(سه‌ما)دبێژت:چێکرنا ڤێ جادێ د چەندین گوندان دا دەرباز دبت، ئێک ژ وان گوندێ بێبانێ یە و خەلک دخوازن پرەکا پياده بۆ هاتن و چونێ بێتە دانان،داكو بكارن ده‌ربازى لايێ دى يێ جادێ ببن.
ژلايه‌كێ دى ڤه دلڤين حه‌جى،خه‌لكا گوندێ بێبانێ بۆ(سه‌ما)دياركر؛ل ڤێ جاددێ رۆژانه هاتن و چوونه‌كا زۆر ل سه‌ر هه‌يه،ژبه‌ركو جاده دنيڤا گوندى ڕا دچيت هاتن و چوون بۆهه‌ردوو لايان ب زه‌حمه‌ت كه‌فتيه،ئه‌م دخوازن ژلايه‌نێن په‌يوه‌نديدار پره‌كا پيادێ ل سه‌ر جادێ ب دانێن.
گوندێ بێبانێ خه‌لكێ وى هه‌موو ئێزدينشينن و سه‌ر ب ناحيا ئه‌لقووشێ ڤه‌يه.