ناڤه‌ندا نووچه‌يان – سه‌ما
زانكۆیا كوردستان ل هه‌ولێرێ دێ كۆنفرانسه‌‌كى زانستی یێ تایبه‌ت ب جینۆسایدا ئێزدیان ل دارخت، كو ل 25- 26ى ته‌باخا 2025ێ دێ ئێته گێڕان.
زانكۆیا كوردستان راگه‌هاندييه، ئه‌ڤ كۆنفرانس دێ به‌حسێ جینۆسایدا ئێزدیان كه‌ت یا كو ل ساڵا 2014ێ روودايی و بۆ ماوێ دوو ڕۆژان دێ به‌رده‌وام بت.
چه‌ند ته‌وه‌رێن گرێدايى ب جينۆسايدا بسه‌رێ ئێزديان دا هاتى ل سه‌ر ده‌ستێ تيرۆرستێن داعشێ ل ته‌باخا 2014ێ و سزادانا تاوانباران و چه‌ند پرسێن دكۆنفرانسى دا دێ ئێنه به‌حسكرن.
ب گۆڕه‌ى راگه‌هاندنا زانكۆیا كوردستان، هه‌ر كه‌سێ بڤێت به‌شداریێ د ڤى كۆنفرانسى دا بكه‌ت، دڤێت ڤه‌كۆلینا خۆ ب زمانێ ئینگلیزی بۆ زانكۆیێ بهنێرت.