ئاڤاكرنا خانيان بۆ خێزانێن ڕزگاربوويێن ژ ده‌ستێ داعش ده‌ستپێكر
سه‌ما
ده‌زگه‌هێ خێرخوازيێ بارزانى ده‌ست ب دووه‌مين قۆناغا ئاڤاكرنا خانيان بۆ خێزانێن ڕزگاربوويێن ژ ده‌ستێ داعش و سێوى ل شنگالێ كر.
شێرۆ سمۆ،به‌رپرسێ ده‌زگه‌هێ خێرخوازيێ بارزانى ئۆفيسا شنگال بۆ سه‌ما ڕاگه‌هاند؛پرۆژه‌كێ ئاڤاكرنا خانيان بۆ خێزانێن ڕزگاربوويێن ژ ده‌ستێ داعش و سێوى ل كۆمه‌لگه‌ها بۆرك و گوندێ حه‌ردان ب هه‌ڤكارى دگه‌ل(گوندێ تۆيفن)يێ سوێسرى ده‌ستپێكريه،قۆناغا ئێكێ ب داوى هاتيه و نۆكه ده‌ست ب قۆناغا دووێ هاتيه كرن و 20خانيێن دى ئێنه ئاڤاكرن.
ديار ژى كر، دچارچۆڤێ پرۆژه‌ى دا 40 خانى بۆ خێزانێن ڕزگاربووى دێ ئێنه ئاڤاكرن.
ده‌زگه‌هێ خێرخوازيێ بارزانى ل شنگال نها چه‌ند پرۆژه‌يێن دى ئه‌نجام دده‌ت،كو بياڤێن جودا جودا بخۆڤه دگرت و بێ جياوازى خزمه‌تا هه‌موو ته‌خ و چينێن جڤاكى دكه‌ت.