دەرگەهێ ئیبراهیم خەلیل:ئيساله 10 هه‌زار تەنێن کەلوپەلان هاتینە ژناڤبرن و ڤەگەراندن
سه‌ما
ڕێڤه‌به‌ريا دەرگەهێ سنۆری یێ ئیبراهیم خەلیل راگەهاند،ل ده‌ستپێكا ئيساله رێگری ل هاتنە ژوورا 10623 تەنێن کەلوپەلێن نەپەسەند کری هاتییە کرن،كو پتريا وان ژ خوارن و ڤەخوارن و کەلوپەلێن ساخلەميێ پێکهاتبوون.
ل ڕۆژا 17ى ته‌موزا 2024ێ،ڕێڤه‌به‌ريا دەرگەهێ سنۆری یێ ئیبراهیم خەلیل د ڕاگه‌هاندنه‌كێ دا ئاشكه‌راكر:د دەمێ شەش هەیڤێن ئيساله دا 10623 تەن ژ کەلوپەلێن جودا ژ ژلایێ تاقیگەهـ و لژنەیێن ڕێڤەبەریا واناڤە نەهاتینە پەسەند کرن و پتريا وان هاتينه ڤه‌گه‌راندن و پشكه‌ك ژى هاتنه ژناڤبرن.
ديار ژى كر:ئەڤ کەلوپەلە لدویف ڕێنمایێن حکومەتا هەرێما کوردستانێ نەبوون، پتریا ڤان کەلوپەلان یێن ساخلەمی و خارن و ڤەخوارنێ بوون، هندەک كه‌ره‌سته ژی کوزماتیک، ڤێتەرنەریی، چاندن و بیناسازى بوونە.