ميرێ ئێزديان سه‌ره‌دانا وه‌زاره‌تا ده‌رڤه‌يا ئه‌لمانيا دكه‌ت
سه‌ما
ل ڕۆژا سێ شه‌مبوويێ 16ى تيرمه‌هێ،مير حازم ته‌حسين به‌گ،ميرێ ئێزديان ل كوردستان و عيراق و جيهانێ دگه‌لدا داى مه‌يان خێرى به‌گ،سه‌ره‌دانا وه‌زاره‌تا ده‌رڤه‌يا ئه‌لمانيا كر و ژلايێ توبياس توكل ڕێڤه‌به‌رێ به‌شێ ڕۆژهه‌لاتا ناڤين و باكوورێ ئه‌فريقيا ل وه‌زاره‌تێ هاتنه پێشوازيكرن.
دهه‌ڤديتنێ دا هه‌ردوو ئاليان ڕه‌وشا ئێزديان ل عيراقێ و ب تايبه‌ت ل شنگال و پرسا ئاواره‌يان و بيرئانينا ده‌هه‌مين بيره‌وه‌رييا كۆمكوژيا بكۆم يا ئێزديان به‌حسكرن.
هه‌روه‌سا ميرێ ئێزديان ته‌كه‌ست ل پێدڤييا پشته‌ڤانيا ئه‌لمانيا بۆ دۆسه‌يا ئێزديان و ئاواره‌يان و ئاڤه‌دانكرنا شنگالێ و به‌رقراركرنا ئێمناهيێ ل وى باژێرى كر.
سياسه‌تمه‌دارێ ئه‌لمانى توبياس دوپاتى ل پشته‌ڤانيا جێگير بۆ جڤاكێ ئێزدى و بزاڤێن لێكۆلينا دادپه‌روه‌رانه بۆ قوربانيان و ئاراميا شنگالێ كر.
ميرێ ئێزديان دماوێ مانا خۆ دا ل ئه‌لمانيا ژ نێزيك ڤه هايدارى ڕه‌وشا ئێزديان ل چه‌ندين باژێران بوو،هه‌روه‌سا جەخت ل بزاڤێن خۆ يێن به‌رده‌وام بۆ خزمه‌تكرن و پاراستنا به‌رژه‌وه‌نديێن ملله‌تێ ئێزدى كر.