خه‌لات باعه‌درى: پرۆژێ پشتەڤانیكرنا ڕزگاربوویان پێنگاڤەکا گرنگ بوو
سه‌ما
به‌رپرسێ بنگه‌هێ لالش تايێ باعه‌درێ دياركر؛پرۆژێ پشتەڤانیكرنا ڕزگاربوویێن ژ دەستێ داعش پێنگاڤەکا گرنگ و باش بوو،ژلایێ سەرۆکێ حکومەتا هەرێمێ ڤە هاتیە ڕاگەهاندن.
خه‌لات باعه‌درى، به‌رپرسێ بنگه‌هێ لالش تايێ باعه‌درێ بۆ سه‌ما خوياكر، ڕاگەهاندنا پرۆژێ پشته‌ڤانيكرنا دارايى بۆ زێده‌ترى سێ هه‌زار كچ و ژنێن ڕزگاربوويێن ئێزدى پێنگاڤەکا گرنگ و دجهێ خۆ دا بوو ژبۆ قه‌ره‌بووكرنا ڕزگاربوويان.
باعه‌درى ئاماژه ب وێ چه‌ندێ دا هيڤيدارين دەرفەتێن کاری ژى بۆ ڕزگاربوويان بێنە دابینکرن و هاندانا وان بكه‌ن درێژەپێدانێ ب خووندنا خۆ بدەن چی ل قوتابخانا یان ژی ل زانکۆ و پەیمانگەهان.
پرۆژه دێ ب ڕێيا بنگەهێ لالش وتایى ونڤیسینگەهان وى ئێتە بجهئينان و دێ هه‌يڤانه پترى سێ هه‌زار ڕزگاربوويان به‌خشينا دارايى وه‌رگرن.
هه‌ر دچارچۆڤێ پرۆژه‌ى دا پشته‌ڤانى بۆ ديتنا ده‌ليڤه‌يێن كارى و ته‌مامكرنا خواندنێ و چاره‌سه‌ريا ساخله‌ميێ بۆ كه‌سێن پێدڤى دێ ئێتە کرن.
ل گۆڕه‌ى نڤيسينگه‌ها رزگاركرنا گرتيێن ئێزدى هەتا نۆکە سێ هه‌زار و 576 کەس هاتینە ڕزگارکرن و هێشتا دوو هه‌زار و 841 کەس بێسەروشوونن.