سه‌ما
دەستەیا بلندا بنگەهێ لالش یێ رەوشەنبیری و كۆمەلایەتی ل دهۆكێ، ل ئێڤاریا رۆژا پێنج شەمبوويێ، رێكەفتی 12/9/2024، دانوستاندنه‌كا ڤه‌كرى بۆ نڤیسەر ودەرهێنەرێ ئەفرێنەر ئاسۆ حاجی ل دۆر(ئێزدى به‌رى گه‌هشتنا داعش) رێكخست.
دچارچۆڤێ پێنج شه‌ما ره‌وشه‌نبيرى دا كو هژماره‌كا ئه‌كاديمى، نڤيسكار و ڕه‌وشه‌نبيران تێدا دبه‌رهه‌ڤ ببوون، نڤیسەر ودەرهێنەر ئاسۆ حاجی باس
ل ناڤەرۆکا په‌رتۆكا خۆ یا ل ژێر ناڤێ(Yazidis before the arrival of Isis) كو ب زمانێ ئنگلیزی ل وەلاتێ هۆلەندا هاتیە چاپکرن كر و شرۆڤه‌كر.
ئاسۆ ديار ژى كر، ئاشنايه‌كا كور من دگه‌ل بير و باوه‌رێن ئێزديان هه‌يه ، ئه‌ڤ په‌رتۆكه بيرۆكا سالا(2013) يا وى و مامۆستا جه‌عفه‌ر سمۆ بوويه ل په‌رستگه‌ها لالش بۆ ماوێ ساله‌كێ كار ل سه‌ر دكر، دناڤ ئێزدياتيێ دا هه‌بوونه‌كا مه‌زن يا هه‌ى ئايينه‌كه فه‌لسه‌فه‌يه‌كه جوان يا تێدا كوب خۆشى و شادى و ب مۆزيك و سه‌مايێ دپارێزن.
نڤيسكارى گۆت: سەرۆکێ حکومەتا هه‌رێما کوردستانێ رێزدار مه‌سرور بارزانى، بەردەوام پشتەڤانی ل خۆرتکرنا بزاڤا رەوشەنبیری کریە ، دناڤ هەموو پێکهاتێن کوردستانێ دا.
پاشان ئاماده‌بوويان چه‌ندين پرسيار ئاراسته‌ى ناڤهاتى كرن و تێدا رۆنكرن ل سه‌ر په‌رتۆكا خۆ دانه دياركرن و به‌رسڤا هه‌موويان هاته دان.
ئاسۆ حاجى، خه‌مخۆره دبوارێ ئێزدياتيێ دا و ده‌رهێنه‌رێ فلمێ ديكيۆمێنتارى ل سه‌ر ئێزديان بوويه كو ژ ئاليێ بنگه‌هێ لالش ڤه هاتبوو به‌رهه‌مئينان.
