ناڤەندا نووچەیان – سەما
شەمبوويێ، 6ـی کانوونا ئێكێ 2025، غهزوان حامد، رێڤهبهرێ ناحيا باشيكێ بۆ سهما ڕاگههاند، كار ل سهر دروستكرنا نهخۆشخانهيا باشيكێ يا 100تهختى هاته ڕاوهستاندن.
رێڤهبهرێ ناحيا باشيكێ گۆتژى: ژبهر نهدانا شايستهيێن دارايى يێن كۆمپانيا جێبهجێكار ژلا يێ وهزارهتا دارايى يا عێراقێ ڤه، نوكه 90% كار ل سهر دروستكرنا نهخۆشخانهيا باشيكێ يا 100 تهختى هاتيه ڕاوهستاندن، كو مهزنترين نهخۆشخانهيه ل سهر ئاستێ پارێزگهها نهينهوا دئێته دروستكرن.
غهزوان حامد ئاماژه ب وێ چهندێ دا، نێزيكى 48% كار ل سهر تمامكرنا نهخۆشخانهيێ هاتيه كرن، نوكه ب تنێ 10% كار دئێته كرن، لهوا داخوازێ ژ وهزارهتا دارايى دكهين شايستهيێن كۆمپانيێ بدهت و ئهڤ نهخۆشخانه بكهفته دخزمهتا خهڵكێ دهڤهرێ دا.
باشيكێ ئێك ژ مهزنترين ناحيه ل سهر ئاستێ پارێزگهها نهينهوا، ب ههمهجۆريا خۆ يا ئۆلى و نهتهوهيى يا بهرنياسه و دهڤهرهكا گرنگ يا چاندنێ يه ب تايبهت ب زهيتوونان پر يا زهنگينه.