درێوره‌سمه‌كێ دا 150 قوتابى ل ناحيا خانكێ هاتنه خه‌لاتكرن
سه‌ما
لژێرچاڤدێريا د.نه‌وزاد عه‌بدوللا به‌رپرسێ به‌رپرسێ لقێ ئێك يێ پارتى و رێزدار سه‌عيد جردۆ سه‌رۆكێ بنگه‌هێ لالش،رێوره‌سمێن خه‌لاتكرنا قوتابيێن سه‌ركه‌فتى ل ناحيا خانكێ ب ڕێڤه‌چوون.
ئيرۆ 8ى ته‌مووزا 2024ێ،ب ئاماده‌بوونا كۆمه‌كا كه‌سايه‌تى و ڕه‌وشه‌نبيران و به‌رپرسێن دام و ده‌زگه‌هێن حزبى و حكومى ل ده‌ڤه‌رێ،بنگه‌هێ لالش تايێ خانكێ رێوره‌سمێن خه‌لاتكرنا 150قوتابيێن سه‌ركه‌فتى ل سه‌ر ئاستێ 12قوتابخانه‌يان ل قۆناغێن بنه‌ره‌تى و ئاماده‌يى و سێ مامۆستايان ب هه‌لكه‌فتا خانه‌نشينكرنا وان گێران.
دبه‌شه‌كێ دى دا چه‌ندين په‌يڤ ژلايێ ئاماده‌بوويان ڤه هاتنه پێشكێشكرن و تێدا ده‌ستخۆشى و پيرۆزباهى ل قوتابيان كرن ب هه‌لكه‌فتا سه‌ركه‌فتنا وان ل سه‌ر ئاستێ قوتابخانه‌يان.
لدووڤدا ديارى ژئاليێ ئاماده‌بوويان بسه‌ر قوتابيێن سه‌ركه‌فتى دا هاتنه به‌لاڤكرن.
ژئاليێ خۆ ڤه قوتابيان سوپاسى و پێزانينێن خۆ پێشكێشى بنگه‌هێ لالش كرن بۆ ڕێزلێنانا ل وان هاتى گرتن و ڕۆلێ به‌رچاڤ بۆ خزمه‌تكرنا قوتابيان دگێرن.
ل سنوورێ ناحيا خانكێ 12قوتابخانه‌يێن قۆناغێن بنه‌ره‌تى و ئاماده‌يى هه‌نه كو ب سه‌دان قوتابيان بخۆڤه دگرن.
بۆ زانين هه‌ر ساڵ قوتابيێن سه‌ركه‌فتى ژلايێ بنگه‌هێ لالش تايێ خانكێ ڤه تێنه خه‌لاتكرن.
ناحيا خانكێ دكه‌فته سنوورێ قه‌زايا سێمێلێ سه‌ر ب پارێزگه‌ها دهۆكێ ڤه و ئاكنجيێن وێ ئێزدى و موسلمانن و ژ 13 گوندان پێك دئێت.
