خودانێ دەنگێ زێرین قەپال دومۆ بابێ عتۆ(1950ـ 1992)
خەم هەلگرێ (قەشەمێ و زەرکا چاڤ بەلەک و سۆرگولا حەسەن شێرا) خودانێ دەنگێ زێرین گول کەتیێ (تەمەربەگێ زەری و هەسنێ شەرەڤ و شەبابێ ئۆسۆ) بەندەوارێ خەملاندنا چیایێ خوەڕاگر ب کولیلکێن کەسک و سۆر و زەر.
قەپال دومۆ خەلەف لسالا 1950 لگوندێ ئادیکا لباکوورێ چیایێ شنگالێ هاتیە سەر دنیایێ و هێژ لدەمەکی زوودا بدەنگێ خوەیێ پڕ سۆز و وەفاداری سترانا فلکلۆری لدەڤەرا شنگالێ ب ڕەوشکریە و دەنگێ وی بوویە هاندەر ژبۆ وەرارەبوونا نەمانا عەشقا سترانێ لدلێ خەلکێ شنگالدا هەڤژینا وی کەچماما ویبوو گۆت قەپال ئی دەهـ سالی بوو وەختێ ژبەر پێز ڤەدگەریا دچووە سەر خانی و دروونشت و گوندی هەموو لێ کۆم دبوون و ستران ژوانرە دگۆت و هەموو مەندەهۆش دبوون و ژبەر هێزبوونا دەنگێ وی شێوازێ وی ل گۆتنا سترانێ ل وی عەمریدا.
لسالا 1968 لگوندێ ئایکا زوجیە و(میان گارص دومۆ) بریە و هەڤژینا وی گۆت قەپال ژبەر پێز ڤەگەریا مال گوندی هەموو چوونە دۆرێ و گۆتنێ ڤێجا بهەلکەڤتا زەواجا خوە سترانێن عەشق و ئەڤینیێ ژمەرە بێژە وی گۆت زەواجا چ من نە بهیستیە ئەز زەوجیمە گۆتنێ مامێ تە کەچماما تە ژتەرە ئانیە،نەهـ زارۆکێن رەحمەتیێ قەپال هەبوون شەش کوربوون بناڤێن (عطۆ ـ عیسی ـ معاویە ـ دومۆ ـ سڤیان ـ فەرەمەز) و سێ کەچ بناڤێن (نورا ـ باسیمە ـ عاصیمە)،رەحمەتیێ قەپال بپرانیا سترانبێژێن دەڤەرا چیایێ شنگال رە ستران گۆتبوون و بتایبەتی سترانڤان “قاسمێ مەیرێ” گەلەک جاران دڤیا پشکداریێ ل بەرنامێن هۆنەری یێن ئێزگەهێن کوردیدا بکە لێ ژترسا ئەمنا رژێما بەعس نەویرا پشکداریێ بکە،سەدان سترانێن عەشق و ئەڤینیێ و مێرچاکیێ و عەگیدیێ گۆتینە و بدەهان ستران تۆمارکرینە و کێفا وی تایبەت ژ سترانێن عەشق و ئەڤینیێ رە دهات مینا (مەم و زین ـ شاهـ سەنەم و ئاشا غەریب ـ لیلێ و مجلوم ـ سۆرگولا حەسەن شێرا) و گەلەک سترانێن دی.
ت جار مرن ل بیرا ویرا نەدهات هەردەم دگۆت خوەزی ژمن هاتبا من بیرەک ل ئەردێ خوەدا کۆلابا ومن وزارۆکێن خوە چاندن کربا و مە ژبەرهەمێ چاندنا خوە خواربا،پشتی چەند ساڵان هیڤیا وی بجهـ هات و بیرەک کۆلان و چاندن کرن هەڤژینا وی گۆت سیتلەک باقل ژباغچێ مە چنی لەختا بەری بوو و هات گۆت شکر ژخوەدێ ئیرۆ ئەمێ ژباغچێ خوە خون لێ هیژ ژی نەخواری سەد حەیف ل تەمەنەکی کورتدا و بئەگەرا روودانەکا دڵتەزین ل رۆژەکا وەکو ئیرۆدا ل 7/5/1992 خاتر ژ ئەڤیندارێن دەنگێ خوە خوەستن و چوو بەر دلوڤانیا خودێ.
ژێدەر: پەرتووکا سترانڤانێن وەغەرکریێن شنگال و بەرخودانەکا بێ وێنە.
یا نڤیسکار: خلف حجی حمد.
