منيب سه‌يدۆ:دبزاڤان داينه بۆ دابينكرنا كورسيێن خواندنێ بۆ قوتابيێن ئێزدى
سه‌ما
به‌رپرسێ ليژنا قوتابيان ل بنگه‌هێ لالش ل دهۆكێ ئاماژێ ب وێ چه‌ندێ دده‌ت،هنده‌ك كورسيێن خواندنێ بۆ قوتابيێن ئێزدى به‌رده‌ست كرينه و دبزاڤان دانه هه‌موو قوتابى ژ به‌خشينه‌يێن خواندنێ بێ به‌هر نه‌بن ل ده‌رڤه‌ى وه‌لاتى.
منيب سه‌يدۆ، به‌رپرسێ ليژنا قوتابيان ل بنگه‌هێ لالش ل دهۆكێ بۆ سه‌ما دياركر؛وه‌ك ليژنا قوتابيان پتر ل سه‌ر ئاستێ خووندنا زانكۆيێ كاردكن چ دبلۆم يان به‌كالوريۆس و سه‌ردا بت،هه‌روه‌سا ده‌سته‌يا بلند و تايى و نڤيسينگه‌هان هه‌ماهه‌نگى پتر ل گه‌ل قوتابخانه‌يان و په‌روه‌ردێ و خواندنا بلند و زانكۆ و په‌يمانگه‌هان هه‌يه بۆ خزمه‌تكرنا قوتابيێن ئێزدى،زێده‌بارى رێڤه‌به‌رێن تۆماران ئه‌گه‌ر قوتابيه‌كى كێشه‌يه‌ك هه‌بت بۆ چاره‌سه‌ر دكه‌ين يان پێدڤى ب هه‌ر تشته‌كێ ديتر بت ،هه‌ر ديسان سه‌ره‌دانا پشكێن نافخۆ دكه‌ين بۆ هندێ ژ نێزيك ڤه هايدارى ره‌وشا وان ببين و ل گۆڕه‌ى شيانان پێدڤيێن قوتابيان دابين دكه‌ين.
خۆيا كر ژى:ل گه‌ل وه‌زيرێ په‌روه‌رده‌يا حكومه‌تا هه‌رێما كوردستانێ كۆمبووينه بۆ چه‌ند پرسێن گرێدايى ب ئێزديان ڤه،ژوانژى گوهۆرينا پرۆگرامێ په‌رتۆكا ئيزدياتيى و پرسێن قوتابيان،زێده‌بارى مه سه‌ره‌دانا وه‌زاره‌تا خواندنا بلند كريه بۆ وه‌رگرتنا قوتابيێن ئێزدى يێن ده‌ڤه‌رێن مادا 140 ده‌مێ خووندنا عه‌ره‌بى ته‌مام دكه‌ن و ل زانكۆيێن هه‌رێمێ دئێنه وه‌رگرتن و هه‌ماهه‌نگى ل گه‌ل وه‌زاره‌تێ وزانكۆيا دهۆك و قوتابيان دا هه‌يه بۆ ڤى باده‌كى و خۆ لى دكه‌ينه خودان وه‌ك هاريكارى بۆ قوتابيان.
ل دۆر هاريكاريكرنا قوتابيان،گۆت: هاريكاريێن مادى و كه‌لوپه‌لان پێشكێشى هه‌ر قوتابيه‌كى پێدڤى بت دكه‌ين لدووڤ وان شيانێن ل به‌ر ده‌ست هه‌ين.
ده‌رباره‌ى كورسييێن خواندنێ، ئاشكه‌راكر:مه بزاڤ كريه ل گه‌ل چه‌ند جهان كورسيێن خواندنێ بۆ قوتابيێن ئێزدى ل ده‌رڤه‌ى وه‌لاتى دابين بكه‌ين،نۆكه ژى پشتى بزاڤێن مه يێن به‌رده‌وام ل گه‌ل توركيا ره‌رازه‌نديا خۆ ده‌ربريه بۆ به‌خشينا چه‌ند كورسيێن تايبه‌ت بۆ قوتابيێن ئێزدى،هه‌ر جهه‌كى سه‌ره‌دانێ دكه‌ين چ باليۆز يان رێكخراو يا هه‌ر جهه‌كێ دى بت ل ده‌رڤه‌ى وه‌لاتى داخواز لێكريه كورسيێن خواندنێ بۆ قوتابيێن مه دابين بكه‌ن.
ئه‌و يه‌ك ژى دياركر؛ژئاليێ ڕه‌وشه‌نبيرى ڤه ئيساله خيڤه‌تگه‌ها گه‌شه‌پێيدانا مرۆڤى بۆ 90قوتابيێن ئێزدى ل ده‌ڤه‌رێن جوا جودا ل بارزان ڤه‌كرن و چه‌ندين بياڤ بخۆڤه دگرتن،دپلاندايه هه‌مان خيڤه‌تگه‌هـ سالانه بێته ئه‌نجامدان.