هاريكارى ل سه‌ر 100خێزانێن كێم ده‌رامه‌ت هاتنه به‌لاڤكرن
سه‌ما
ل كۆمه‌لگه‌ها شاريا هاريكارى ل سه‌ر 100خێزانێن كێم ده‌رامه‌ت یێن ئاواره‌يێن شنگالێ هاتنه به‌لاڤكرن.
بنگەهێ لالش تایێ شاریا ب هەڤکاری دگەل رێکخراوا نوپێل و پشتەڤانیا ( كه‌نيسه‌يا يسوع مه‌سيح)و قەس فضيل و دانيال،دەست ب به‌لاڤكرنا هاریکاریان ل سەر 100خێزانێن کەمدەرامەت یێن ئاواره‌يێن شنگالێ و رزگاربوویێن ژ دەستێ داعش و خودان پێدڤیێن تایبەت كر.
هاریکاری پێکهاتبوون ژ کەلوپەلێن خوارنێ یێن جۆراوجۆر،وەکو(برنج ، زەیت فاسولی و شیر و توڤ چای و ڕژدە و شەکر…هتد.).
ل سنوورێ كۆمه‌لگه‌ها شاريا ب ده‌هان خێزانێن ئاواره‌يێن شنگالێ ل ناڤا خيڤه‌تان و خانيێن هه‌يكه‌ل دا ژيانا خۆ دبه‌نه سه‌ر،ئه‌و چاڤه‌رێ ئارامبوونا ده‌ڤه‌رێن خۆ ل شنگالێ دكه‌ن داكو جاره‌كا دن ڤه‌گه‌رنه سه‌ر زێدێ خۆ.
