ناڤه‌ندا نووچه‌يان – سه‌ما
ژ سه‌رجه‌مێ 500 به‌شداربوويێن به‌ريكانا لالش يا ره‌وشه‌نبيرى ل ناحيا باعه‌درێ، 15 كەسان ب گۆڕەى ڕێزبەندیێ، باشترین نمرە بده‌ستڤه‌ئينان و ئيرۆ د رێوره‌سمه‌كا ژ هه‌ژى دا هاتنە خەلاتكرن.
شه‌مبوويێ، 8ى ئادارا 2025ێ، ب به‌رهه‌ڤبوونا د. كاروان محه‌مه‌د سابیر، ژ نڤیسینگه‌ها به‌ڕێز (مه‌سرور بارزانی) و سه‌عيد جردۆ، سه‌رۆكێ بنگه‌هێ لالش و د.سه‌عيد خودێدا، جێگرێ سه‌رۆكێ بنگه‌هى و ئه‌ندامێن ده‌سته‌يا بلندا بنگه‌هێ لالش، درێوره‌سمه‌كێ دا 15 سه‌ركه‌فتيێن به‌ريكانا لالش “پرسيار و خه‌لات” ل باره‌گايێ بنگه‌هى ل دهۆكێ هاتنه خه‌لاتكرن.
ل چارى مه‌ها ئادارێ به‌ريكانا لالش بۆ نێزيكى 500 گه‌نج و قوتابى و لاوان، ژلايێ ده‌سته‌يا بلندا بنگەهێ لالش يێ رەوشەنبيرى وكۆمەڵايەتى ل دهۆكێ و بنگه‌هێ لالش تايێ باعه‌درێ ل قوتابخانا ئامادەیا باعەدرێ یا تێکەل ڤه هاتبوو سازكرن.
دڤێ به‌ريكانێ دا، پێنجى پرسیارێن مێژوویى، ئۆلى، نەتەوەیى، نشتيمانى و گشتى ب خۆ ڤه گرتبوون ئاراسته‌ى به‌شداربوويان هاتنه كرن، ب چاڤدێريا تیمەكێ پسپۆر و مامۆستایێن زانكۆیێ، ب سه‌ركه‌فتيانه ب رێڤه‌چوو.
د ناڤا به‌شداربوويان دا 15 كەسان ب گۆڕەى ڕێزبەندیێ، باشترین نمرە بده‌ستڤه‌ئينابوون.
گه‌نجێن هه‌موو ده‌ڤه‌رێن ئێزديان دێ ژ به‌ريكانا لالش مفاداربن و مه‌ره‌م ژێ بلندكرنا ئاستێ ره‌وشه‌نبيريێ گه‌نج و لاو و قوتابيان و خورتكرنا په‌يوه‌نديێ دناڤبه‌را بنگه‌هێ لالش و ته‌خا گه‌نجان و زێده‌كرنا زانياريێن گشتى يه.