شرۆڤەكرنا هندەك تێگەهێت ئێزدیان
هۆگر حەیدۆ
دناڤ ئێزدیان دە چەندین خاس و قەلندەر و زاراڤ هەینە دئێنە گۆتن لێ بنیاتێ رامانا وێ گەلەك ژخەلكێ ئێزدی بدروستی نزانن. رەنگە گەلەك نڤێسكار وڤەكۆلەرا دبەرهەمێت خوەدا ئاماژە دابتێ لێ بدرێژی بەحس نەكریە ژبەركو دبت بەرهەمێ وان بۆ ڤێ مەرەمێ بتنێ نەی تەرخانكری بت، هەروەسا كێمیا ژێدەران ژی ئێك ژ ئاستەنگێن سەرەكی یە بۆ شرۆڤەكرنا وان.
بۆچی دبێژنێ مەهمدێ باتنێ؟
بەری قەدەم گوهاستنا شیخادی گوتە خاس و قەلەندرا چیێ زانی كەنگی دێ قەدەم گوهێزم ئەو دێ بتە جیگرێ من دبێژن سبەیكەكێ بەری شیخادی قەدەمی ب گوهێزت مەهمەدێ باتنێ چۆ جهێ وی كو ب باتنێ زانی دێ قەدەمی گوهێزت ژ بەر هندێ دبێژنێ مەهمەدی باتنێ وئێكەم میرێ ئێزدییا بوو ژقاتانییا.
بۆچی دبێژنە شیخ فەخرێ ئادیا بەلێ ئی شەمسانی یە؟
ئێزدی دبێژنە لالشێ مالا ئادیا: هەر كەسەكی خلمەتا ڤی جهێ پیرۆز بكەت دبێژنێ خلمەتا مالا ئادیا دكەت، ژ ئالیێ علمی دینێ و زانینا كنیاتێ و سروشتی ڤە دەفتەرا شێخ فەخر ماكا دینێ ئێزدیایە چونكی پتریا قەول و بەیتێت ئێزدیان شێخ فەخر گوتی نە و خلماتەكا مەزن ژ بۆ ئێزدیا و ژ لایێ فەلسەفە دینی ڤە شێخ فەخر دینێ ئێزدیان نوژەن كریە ژ شەمسانی یە سجادە شێخ فەخر وا ل ناڤ ئادانی یە د ( جەلسا شیخادی ) دە سەردەمێ شیخادی دووێ ئەڤ سجادە هاتبوو چێكر و رێزا دووێ یا سەمایێ هاتە كێشان دگەل سەمایا ئادانی دەمێ رێزا ئیكێ دگەهیتە سجادێ رێزا دووێ دگەل تمام دكەت دبێژنێ رێزا دووێ سەما شەمسانی یە .
بۆجی دبێژنێ دووناڤ ؟
دووناڤ واتە شێخ یان پیر، چونكی شێخا شێخێ خو هەیی و پیرا شێخێ خو یێ هەیی. ئێزدی دبێژن شێخ و پیر گولێت دارەكێنە .
ڤەكرن و گرێدانا سێ چارە پشتا بووكێ د كلتورێ ئێزدییان دە
دڤێت برایێ بووكێ ل بەر چاڤێت زاڤایی سێ جارا پشتا بووكێ گرێدەت و ڤەكەت واتە (ب ناڤ و نیشان و بەخت ) تەسلیمی زاڤای كر.
بۆچی دبێژنێ دایكە چاك ؟
لدەسپێكێ پێدڤی یە بدن زانین كو دایكە چاك كیە؟ دایكە چاك ناڤێ دایكا مەحما رەشانە ، دایكەكا باش و دیندار و رێیا خوە بوو ، دایكا چاك ژی ناسناڤە ژ بو ڤێ ژنكا ب روومەت یا ئێزدی هاتییە گۆتن كو ب خوە ناڤێ وێ یێ دروست ( گولبوهارە) ئەڤ ناسناڤە ژی ئانكو ( دایكا چاك) شیخادیێ ئێكێ لێ كرییە ، ژ بەركو دەما شیخادی ژ شامێ هاتی گولبوهار پێحسییا كو خودان كەرەمەكی ئێزدی وێ برێڤەیە و وێ دهێت ، لەما ترارەكی ئاڤێ دانا سەر دەستێ خوە و چۆ پێشیا شیخادی و ئاڤ ژێرە بر ، لەوما شیخادی ژی گۆتێ تو دایكەكا چاكی لەوما هەتا نها كەس نابێژتێ گولبوهار بەلكو هەموو دبێژنێ دایكە چاك .
بۆچی ئێزدی ل هەیڤا نیسانێ داوەتا ناكەن؟
چونكی ل هەیڤا نیسانێ رۆژا چارشەمبوویێ درووست بوونا دنیایێ دەست پێ كریە و ئەو رۆژا سەر سالا ئێزدیایاە، ئێزدی دبێژن نیسان ب خو بووكا سالێ یە وێ هەیڤێ دنیا جوان دبت و ب رەنگە د خەملت دبێژن گونەهە بووكەكە دڤێ هەیڤێ دا بخوازن چونكی نیسان بخو بوكەكا سالێ یە دبێژن نەكو بووكەكا دی بینن دێ ركمانا بووكا سالێ كەت نەكو خودان خێرێ ژێ نەبینت ( بچوكا نەبت ) ، هەروەسا هەموو توافێن خاسا دكەڤنە د هەیڤا نیسانێ دا .
ژێدەرێ پەیڤا ئەسمان دزانستی و ئاینی دا؟
ل گور شرۆڤەكرنا من باوەرێ زانستی دا تشتەك نینە ب ناڤێ ئەسمان پشتی نەمانا رۆژێ ئەسمان ب شەڤ ئەسمان رەش دبت ژ بەر نەمانا رۆژێ چونكی رۆژ ل ئاڤێ ددەت و دیاردە پەرشبوونا رووناهیێ چێدبت دەمێ رووناهیا رۆژێ ل ئاڤێ ددەت ژ بەر هندی ب شەف ئەسمان رەش دبت دیبتە بۆشایی ل هیچ هەسارەكێ ئەسمان نینە ژبلی ئەردی چونكی ئاڤ ل وان هەسارا نینە ، ئەسمان ژ ئەنجامێ پەرش بوونا رووناهیا روژێ پەیدادبیت ژ كورترین درێژیا پێلێ شینە ، ژ بەر هندێ رەنگێ ئەسمانی شینە ، لایێ باوەریێ ڤە ئەسمان وێ هەیی مەزنترین خوداوەندێ سۆمەرییا ئانو بوو خودانێ بلنداهیێ دگوت ئەزم ئانو واتە خوداوەندێ بلنداهیێ بوورینا دەمی یا هاتی یا كورتكرن بوویە ئەسمان و نهو دبێژنێ ئەسمان .
رامانا پەیڤا بابا چی یە؟
هندەك كەس بێی كو بزانن كا رامانا بابا چیە ب پەیڤا بابێ دگهورن دبێژن بابێ شێخ ، بابێ چاویش ئەو پەیڤا یا شاشە بابا پەیڤەكا ئارامی یە ئەو دەرگەها كو راستی د وی رە دیار دبت و هەموو دەما دڤێت ب جلكێن سپی بت رامانا پاكژیا ژیانێ یە. پەیڤا بابا بۆ هندەك كەسێن تایبەت و پیرۆز یێن دووناڤێن ئێزدیان دهێتە گوتن، نە بتنێ ل ناڤ ئێزدیان دهێتە گوتن گاڤا ئەشیرێن ئیرانی سەد سالێن 5_9 مین پێش زاینی هاتن سەر ئاخا كوردستانا ئیرۆ ، ناڤێ خوەدایێ وان ئێ سەرەكە ، بابا ئەسمان بوو . ل ناڤ كەكایە هەمان ناڤێ بابا بۆ كەسێن خویێن ئاینی یێن پیرۆز دبێژن مینا بابا تاهرێ هەمدانی هەم هوزانڤان بوو و هەم كەسەكی ئۆلی بوو .
روولێ شێخێ بسكێ دئێزدیاتیی دە
هەر كورەكی ئێزدی دڤێت شێخێ خو یێ بسكێ هەبت ل گور فەلسەفا ئێزدیان دەمێ كورەكی ئێزدی دچتە بەر رەحما خۆدێ و روحا وی دچتە سوكا مەعریفەتێ دێ شێخێ بسكێ ئامادە بت ژ بوو هندێ شەهدیێ ل سەر كارێن باش و خرابێت كەسێ مری بدات هەكە شێخێ وی بسكا وی بریبت ل دنیایێ دبێژن دێ ل ئاخرەتێ مریدێ خو ناست و دێ ژێرا بتە شەهد ، شێخێ بسكێ دڤێت ژ شێخێن شەمسانیا بت چونكی ئێزدی دبێژن خوەیێ سەرێ مە (مەفەر) شێشمسە، لەوما ژی بسكا مە گەرەكا ددەستێ وان دا بت ، بتنێ زاروكێن بنەمالا شێخێن شێخ حەسەن بدەستێ پیرێ خوە بسكا وان تێ گرتن .
بۆ زانين ده‌مێ شيخادى ژ شامێ هاتيه مووسلێ قه‌دى بلبان چۆبوو پێشيێ و ده‌مێ ژ مووسل هاتيه لالشێ مه‌همه‌د ره‌شان چۆبوو پێشيێ.
ژێدەرێن مفا ژێ هاتیە وەرگرتن :
توسنێ رەشید . ئێزدیاتی ئۆلەكە هێ ژی ناسكری.
كۆڤان خانكی. گۆڤارا مەحفەل ژ مارە 2 .
حاجی علو . ئێزدیێت هیڤیی .
پیر دیما زانا د ئولا ئێزدیان دە .