سه‌ما
ل دووڤ راسپاردێن سه‌رۆكێ حكومه‌تا هه‌رێما كوردستانێ، پارێزگارێ دهۆكێ چه‌ند پرۆژه ل ده‌ڤه‌رداریا سێمێلێ ڤه‌كرن و به‌رێ بنياتى بۆ هندكێن دى دانان.
گرنگیدان ب پرۆژێن خزمه‌تگوزارى ئه‌وێن ل سنورێ ده‌ڤه‌رداریا سێمێلێ دهێنه ئه‌نجامدان،ئيرۆ سێشه‌مبوويێ 20ى ته‌باخا 2024ێ، ب ئاماده‌بونا به‌رێزان ” د.عه‌لى ته‌ته‌ر “پارێزگارێ دهۆكێ و”د.نه‌وزاد عبدالله ” به‌رپرسێ لقێ ئێك و”نازم هه‌ركى” به‌رپرسێ لقێ 17 یێ پارتى و”خه‌لیل مه‌حمود” ده‌ڤه‌ردارێ سێمێلێ وچه‌ند به‌رپرسێن حزبى وئیدارى، چه‌ند پرۆژه هاتنه ڤه‌كرن وبه‌رێ بنیاتى بۆ رێيا سه‌ره‌كى یا شاریا هاته دانان.
پرۆژێن هاتينه ڤه‌كرن و به‌رێ بنياتى بۆ هاتيه دانان بڤى ڕه‌نگێ دیاركرى :
1- ڤه‌كرنا رێيا هه‌ردوو كه‌مپێن ئاواره‌یێن شنگالێ كه‌به‌رتوو 1 وكه‌به‌رتوو 2، ب درێژاهیا 8كم و ب گوژمێ 1 ملیار و 247 ملیۆن دیناران.
2- ڤه‌كرنا پرۆژێ رێيێن ناڤخۆیى ل كۆمه‌لگه‌هێن ته‌ناهى و دۆمیز وشاریا ب درێژاهیا 6كم دگه‌ل سۆلینه‌كا ئاڤرێژ ب درێژاهیا (1.6)كم ب گوژمێ 1 ملیار و 800 ملیۆنن دیناران.
3- ڤه‌كرنا پرۆژێ رێيێن ناڤخۆیى ل كۆمه‌لگه‌ها شاریا ب درێژاهیا( 1.7) كم دگه‌ل سۆلینه‌كا ئاڤرێژ ب درێژاهیا 200 م یا چارگۆشه ب گوژمێ 884 ملیۆن دیناران.
4- دانانا به‌رێ بنیاتى بۆ چێكرنا رێيا نوو یا كۆمه‌لگه‌ها شاریا بۆ زاوا و ئالۆكا ب درێژاهیا 6 كم ب گوژمێ 2 ملیار و 360 ملیۆن دیناران.
گوژمێ گشتى یێ ڤان پرۆژان 6 ملیار و 291 ملیۆن دیناربوون هه‌موو ل سه‌ر بودجا پارێزگه‌ها دهۆكێ دئێنه ئه‌نجامدان.
ل دور گرنگیا پرۆژان پارێزگارێ دهۆكێ راگه‌هاند، ل دووڤ راسپاردێن سه‌روكێ حكومه‌تا هه‌رێما كوردستانێ ئيرۆ مه ل ده‌ڤه‌رداریا سێمێلێ 16 كم رێيێن ناڤخۆیى ل كۆمه‌لگه‌هێن شاریا و دۆمیز وجهێن دى ڤه‌كرن، هه‌روه‌سا به‌رێ بنیاتى بۆ چێكرنا رێيا نوو یا شاریا دانا ئه‌و پرۆژێن ئه‌ڤرۆ مه ڤه‌كرین وبه‌رێ بنیاتى بۆ داناىى بهایێ وان پتر بوو ژشه‌ش ملیار ودوو سه‌د ونۆت و ئێك ملیۆن دیناران.
پارێزگارێ دهۆكێ گۆت ژى: ئه‌ڤ پرۆژه دێ خزمه‌ته‌كا مه‌زن بۆ خه‌لكێ ده‌ڤه‌رێ پێشكێشكه‌ن ول رۆژێن بێت دێ كۆمه‌كا دى یا پرۆژا ل سه‌نته‌رێ سێمێلێ وكۆمه‌لگه‌هێن ته‌ناهى ومسێریكى و ناحيا خانكێ ومه‌رینا وكێڤلا وجهێن دى ئێنه ئه‌نجامدان .
