سه‌ما
ئيرۆ سێشەمبوويێ، ئەندامێ لیژنا دارایی یا پەرلەمانێ دیارکر، کو ئاریشا درەنگکەفتنا تەمویلکرنا مووچان بۆ فەرمانبەر و کارمەندێن کەرتێ گشتی یا گرێدایی ب هەموو پارێزگەهێن عیراقێ ڤەیە و نە تنێ ب هەرێما کوردستانێ ڤە، ژبەر کێمبوونا نەختینەیا دارایی.
ئیخلاس دەلێمی دلێدوانه‌كێ دا بۆ رۆژنامەڤانان ل قەزا “مەخموور” ل نەینەوا گۆت: “ئاریشا مووچان یا گرێدایی ب هەموو پارێزگەهێن عیراقێ ڤەیە، و نە تنێ ب هەرێما کوردستانێ ڤە، چنکو کێمبوونەک د نەختینەیا دارایی دا هەیە.”
گۆت ژی: “بابەتێ مووچان یێ گرنگە و دبت هندەک درەنگ بکەڤیت”، و زێدەکر “ئيرۆ بەشەک ژ مووچێن هندەک وەزارەتان ل هەرێما کوردستانێ هاتنە دان، و د ناڤبەرا کێمتر ژ هەفتیەکێدا دێ مووچێن هەموو پارێزگەهێن فیدرال و هەرێمێ ژی دناڤدا ئێنە تەمویلکرن.”
دەلێمی چاڤەرێ دکەت کو ئاریشا درەنگکەفتنا تەمویلکرنا مووچان دێ مەها بێت ب داوى ئێت، و فەرمانبەر دێ مووچێن خۆ د دەمێ خۆدا وەرگرن مەها بێت، هەرێما کوردستان ژی دناڤدا.