سه‌ما
کۆمپانیا مێتا، یا کو پێشڤه‌بر و خودانێ ئاپلیکه‌یشنا واتساپێ یه، یا کو ناڤدارترین ئاپلیکه‌یشنا په‌یامێن کورت ل جیهانێ یه، کار دکه‌ت کو ئێک ژ گرنگترین تایبه‌تمه‌ندیێن کارلێکرنێ یێن ناسکری د ئینستاگرامێ دا بینیت. ئاپلیکه‌یشن دێ ڕێ ده‌ت بکارهێنه‌ران کو کارلێک بکه‌ن دگه‌ل ناڤه‌رۆکێ ب دوو جار کلیککرنێ وه‌ک کورتکرنه‌ک بۆ زویا هێلانا کارڤه‌دانه‌کێ د ده‌مێ ئاخفتنان دا.
کۆمپانیا مێتا هه‌ول دده‌ت کو تایبه‌تمه‌ندیێن نوی بۆ ئاپلیکه‌یشنا واتساپێ بینیت ب دویڤ ده‌می، دا ئه‌زموونا بکارئینانێ باشتر بکه‌ت و نویترین ته‌کنیکان بۆ په‌یوه‌ندیا جڤاکی ب ڕێیا خزمه‌تگوزاریێن خۆ پێشکێش بکه‌ت.
ل گۆر وان تشتێن کو WABetaInfo به‌لاڤ کرین، ڕێکه‌کا نوی یا کارلێکرنێ دگه‌ل ناڤه‌رۆک و په‌یامان د ڤه‌رژنا ئه‌زموونی یا دویماهیێ یا ئاپلیکه‌یشنا واتساپێ دا هاتیه دیتن، کو ڕێ دده‌ت بکارهێنه‌ران ب له‌زاهی کارلێک بکه‌ن ب ڕێیا ئاماژه‌یا دوو جار کلیککرنێ، ب شێوه‌یه‌کێ کو دشبهیت ئینستاگرامێ.
ئه‌ڤ تایبه‌تمه‌ندیه، یا کو هێشتا د قۆناغا پێشڤه‌چوونێ دا یه، پێدچیت کو د نویکرنه‌که پاشه‌رۆژێ دا بۆ بکارهێنه‌ران بهێته په‌خشکرن.
نها، تایبه‌تمه‌ندیا کارڤه‌دانێن په‌یامان د واتساپێ دا، پێدڤی یه کو بکارهێنه‌ر درێژ ل سه‌ر په‌یامێ بگریت دا په‌نجه‌ره‌یا کارڤه‌دانێن ده‌رکه‌فتی ڤه‌بیت، ل وێرێ بکارهێنه‌ر دشێت ئێک ژ کارڤه‌دانێن ئاسایی ب ئیمۆجیان هه‌لبژێریت یان ئایکۆنا “+” هه‌لبژێریت دا ئیمۆجیه‌کا جودا هه‌لبژێریت.
ب زێده‌کرنا ئاماژه‌یا دوو جار کلیککرنێ، بکارهێنه‌ر دێ شێن ب له‌زاهی کارلێک دگه‌ل په‌یامان بکه‌ن ب بکارئینانا ئیمۆجیا دلێ ئاسایی، کو دێ ئه‌زموونا کارڤه‌دانێن په‌یامان د واتساپێ دا وه‌کی کارڤه‌دانێن په‌یامێن ڕاسته‌وخۆ د ئینستاگرامێ دا لێ بکه‌ت.
ئه‌ڤ تایبه‌تمه‌ندیه د نویترین ڤه‌رژنا ئه‌زموونی یا واتساپێ بۆ سیسته‌مێ ئه‌ندرۆید (ڤه‌رژن 2.24.11.16) دا هاتیه دیتن، و پێدچیت کو د نویکرنه‌که پاشه‌رۆژێ دا بگه‌هیته بکارهێنه‌ران.
زێده‌باری ڤێ یه‌کێ، واتساپ بشکۆکه‌کا کارلێکرنا نوی زێده دکه‌ت ده‌مێ ته‌ماشه‌کرنا هه‌ر وێنه و ڤیدیۆیه‌کێ، کو ئه‌ڤ بشکۆکه ل ته‌نشتا شریتا به‌رسڤدانێ ل ژێرێ ناڤبه‌ینا بکارهێنه‌ری دیار دبیت ده‌مێ نیشاندانا میدیایێ، کو ڕێ دده‌ت بکارهێنه‌ران ئێک ژ شه‌ش کارڤه‌دانێن ئاسایی هه‌لبژێرن یان ئایکۆنا “+” هه‌لبژێرن دا ب ئیمۆجیه‌کا جودا کارلێک بکه‌ن.
ئه‌ڤ تایبه‌تمه‌ندیه نها بۆ هنده‌ک بکارهێنه‌رێن واتساپێ ل سه‌ر که‌نالا ڤه‌رژنا ئه‌زموونی به‌رده‌سته، دا بهێته تاقیکرن به‌ری په‌خشکرنا وێ د ڤه‌رژنا جێگیر دا بۆ هه‌می بکارهێنه‌ران.
سه‌رچاوێ دیار نه‌کریه کا ئه‌ڤ تایبه‌تمه‌ندیێن نوی دێ هه‌روه‌سا بۆ بکارهێنه‌رێن ئه‌ندرۆید ب سیسته‌مێ iOS ژی بهێن یان نه، چونکی ژ تۆمارا نویکرنێن ئاپلیکه‌یشنا یا کو خودانیا وێ یا کۆمپانیا مێتا یه، هنده‌ک تایبه‌تمه‌ندی ته‌نها د ئه‌ندرۆید یان iOS دا به‌رده‌ست دبن، و هنده‌کێن دی ل سه‌ر هه‌ردوو سیسته‌مێن هه‌ری به‌لاڤ ل جیهانێ به‌رده‌ست دبن.