ل ناحيا خانكێ كار ل سه‌ر چێكرنا جادده‌يێن ناڤخۆيى دئێته‌ كرن

سه‌ما
باژێرڤانى یا خانكێ‌ ل سه‌ر داهاتێ خۆ، ده‌ست ب كۆنكريت ودانانا شوسته‌يان و چێكرنا چه‌ند جادده‌يان كر.

ئه‌ندازيار خێرى جه‌عفه‌ر،سه‌رۆكێ باژێرڤانى يا خانكێ بۆ سه‌ما دياركر، پشتی رەزامەندی هاتیە دان ل سەر داهاتێ باژێرڤانيێ، ب گوژمێ( 109.000.000 ) سەد و نەهـ ملیۆن دیناران دێ شوستا جادا سەرەکی ب شتایگەر ژ دوو سایدا ربێبیێ تاکو دگەهت ئامادەیا خانکێ، زێده‌بارى هەردوو رەخێن جادێ ژ قوتابخانا ئامادەیی تاکو دگەهتە جهێ بێ سەمیانا ب کونکریت ئێتە چێکرن.

ناڤهاتى ديار ژى كر، جادده‌يا ل بەرامبەر قوتابخانا ئامادەیی ژ جادا کەڤن تاکو یا نوو دێ ئێته‌ چێكرن، داکو ببتە رێکخوشکەر بۆ هاتن و جونا قوتابیان ل سنورێ ناحیا خانکێ.

كاروانێ ئاڤه‌دانى و گه‌هاندنا خزمه‌تگۆزاريان بۆ وه‌لاتيان ل ناحيا خانكێ ژلايێ حكومه‌تا هه‌رێمێ به‌رده‌وامه‌،نۆكه‌ ژى پتريا جادده‌يان هاتينه‌ چێكرن و قێركرن.

حكومه‌تا هه‌رێما كوردستانێ‌ گرنگیه‌كا مه‌زن ب ده‌ڤه‌رێن ئێزدیان دده‌ت، پشتی خانكێ‌ بوویه‌ ناحیه‌ ئومێده‌ك مه‌زن بۆ وه‌لاتیان چێبوویه‌ و دلخۆش بووینه‌، ژ به‌ركو دێ‌ پتر خزمه‌ت ل خانكێ‌ ئێنه‌ ئه‌نجامدان بۆ وه‌لاتیان.

ناحيا خانكێ دكه‌فته‌ باشوورێ رۆژئاڤايێ پارێزگه‌ها دهۆكێ،هه‌روه‌سا دكه‌فته‌ سه‌ر سكرێ مووسل و پتريا ئاكنيجيێن وێ ئێزدی نه‌.