سه‌ما
ئێڤارييا ڕۆژا ئينيێ 9ى ته‌باخا 2024ێ، چارده‌مين سالڤه‌گه‌ڕا دامه‌زراندنا نڤيسينگه‌ها لالش ئێسيا ب چه‌ند چالاكيان هاته ساخكرن.
ب ئاماده‌بوونا ب ئامادەبوونا “سالح حه‌یده‌ر” بەرپرسێ لقێ 20 شێخان يێ پارتى و “سه‌عيد جردۆ “سه‌رۆكێ ده‌سته‌يا بلندا بنگه‌هێ لالش و كۆمه‌كا کەسایەتی و ڕەوشەنبیرێن دەڤەرێ، ڕێوره‌سمێن سالڤه‌گه‌ڕا دامه‌زراندنا نڤيسينگه‌ها لالش ئێسيا ب ڕێڤه‌چوون.
د به‌رنامێ چالاكيێ دا سميناره‌ك بۆ سه‌عيد جردۆ، سه‌رۆكێ بنگه‌هێ لالش ل دۆر پێشهات و ڕەوشا ئیرۆ ب گشتی، ڕۆلێ بنگەهێ لالش ل خورتکرنا بزاڤا ڕەوشەنبیری ده هاته گێڕان.
دبرگه‌يه‌كا ديتر دا قوتابیێن سەرکەفتی ل زانکۆیان هاتنە خەلاتکرن.
نڤیسینگەها لالش ئێسیا ل سالا 2010ێ هاتيه دامه‌زراندن وتا نۆكه سێ كۆنگره ئه‌نجامداينه.
هه‌روه‌سا ب ده‌هان بزاڤ و چالاكيێن ڕه‌وشه‌نبيرى، سمينار، وۆركشۆپ و خۆل بۆ گه‌نج و لاوان ژ هه‌ردوو ره‌گه‌زان سازكرينه.
ئێك ژ ئارمانجێن نڤيسينگه‌هێ پشته‌ڤانى و خزمه‌تكرنا قوتابيان بوويه، وه‌ك نه‌ريته‌كێ سالانه قوتابيێن سه‌ركه‌فتى ل قۆناغێن جودايێن خواندنێ خه‌لات دكه‌ت.
