ل بیرەوەریا سالڤەگەرا دەهێ یا کۆمکوژیا خەلکێ سڤیلێ گوندێ کۆچۆ وسالڤەگەرا هڤدێ یا کۆمکوژیا خەلکێ سڤیلێ هەردوو کۆمەلگەهێن گرعزێر وسیبا شێخ خدرێ کو درێژەپێدەرێن وان فەرمان وئەنفالێن قرکرنێ نە یێن دژی ئێزدیان ب تایبەت ومللەتێ کورد ب گشتی هاتینە ئەنجامدان ئەم سەرێ رێز ونەوازەشێ ژبۆ جانێ پاکێ تەڤایا جانگۆریان دچەمینین.
ل ڤان بیرەوەریێن هناڤ هەژێن ئەم وەکو بنگەهێ لالش تەکەزیێ ل پەیوەندیێن برایانە یێن دناڤبەرا بسلمان وئێزیدی وهەموو پێکهاتێن ڤی وەلاتی دکەین ودیاردکەین کو ئەو تیرۆرستێن ئەڤ تاوانێن دژی مرۆڤایەتیێ ئەنجام داین نوێنەرایەتیا هیچ ئاینەکی ناکن بەلکو ئایین ژبۆ مەرەمێن خوە یێن سیاسی ب کارتینن.
برایەتی ولێبۆرینا دناڤ هەموو پێکهاتێن کوردستانێ و ب تایبەت بسلمان و ئێزدیا ژ هەموو هەولێن تیرۆرست و فاشێستان ب هێزترە و چ جارا ئەو کەڤالا رەنگینا پێکڤەژیانا هەموو ئۆل و نەتەوان کو ب خوینا هەزارەها جانگۆریێن کوردستانێ هاتیە پاراستن رێ نادە کو مەرەمێن خراب یێن دوژمن ونەحەزان سەربگرن، بەلکو رۆژ بۆ رۆژ وێ گەشتر و رەنگین تر بت.
ئەم داخوازیێ ژ حکوومەتا فیدرال و هەرێما کوردستانێ و جڤاکا نێڤ دەولەتی دکەین کو ب چارەسەریێن بنگەهین رێ لبەر دووبارەکرنا ڤان کۆمکوژیان بگرن ئەم دخوازین ژبۆ بتر خورتکرنا ئاشتەوایا جڤاکی ب تەشریعکرنا یاسایەکێ سەرەدەری دگەل تەکفیرکرن وبێ رێزی وگوتارا کەرب وکینێ دژی هەر ئاینەکی بێتەکرن وهەر کەسێ ب ڤان کارا رابوو ب تاوانبار بهێتە هژمارتن وبتوندترین سزا بهێتە سزادان.
دووبارە جانێ جانگۆریان شادبێ .
بژی برایەتیا هەموو ئۆل ونەتەوەیێن ل کوردستانێ.
ده‌سته‌يا بلندا بنگەهێ لالش یێ رەوشەنبیری وکۆمەلایەتی/دهۆك
2024/8/13