سه‌ما
خۆله‌كا ميديايى بۆ ستافی كه‌ناڵێ سەما تیڤی ب ڕێڤه‌چوو،تێدا باس ل باوەربەخۆبوونا میدیاکارى و چاوانيا سه‌ره‌ده‌ريكرنێ دگه‌ل بوويه‌ران هاته گوتۆبێژكرن.
خۆل ل باره‌گايێ كه‌ناڵێ سه‌ما بۆ “د.رێناس جانۆ” شاره‌زایێ میدیایی هاته سازكرن، ناڤبرى ب تێر و ته‌سه‌ڵى بۆ ستافى باس ل باوه‌رى ب خۆبوونێ كر كو بكارن ب پيشه‌يانه سه‌ره‌ده‌ريێ دگه‌ل بوويه‌ران دا بكه‌ن.
شاره‌زایێ میدیایی جه‌خت ل وێ يه‌كێ ژى كر، دڤێت رۆژنامه‌ڤانی باوه‌ری ب وێ نامێ هه‌بت یا كو به‌لاڤ دكه‌ت، خواست پتر شيانێن خۆ بێخنر كارى ژبۆ گه‌هاندنا په‌ياما جڤاكا ئێزديان بۆ سه‌رانسه‌رى جيهانێ.
به‌شداربوويان چه‌ندين پرسيار ئاراسته‌ى دكتۆرى كرن و به‌رسڤ ل سه‌ر هه‌موويان هاته دان.
ستافێ سه‌ما نۆكه دقۆناغا خۆبه‌رهه‌ڤكرنێ يا كارى دانه ژبۆ ده‌ستپێكرنا په‌خشى و كار ژبۆ پێشڤه‌برنا شيانان و كه‌نالى دكه‌ن،ئه‌و به‌رده‌وام به‌شدارى خۆلێن ميديايى دبن.
كه‌نالێ سه‌ما ئێك ژ ده‌ستكه‌فتێن بنگه‌هێ لالش يێ ڕه‌وشه‌نبيرى و كۆمه‌ڵايه‌تى يه، ب پشته‌ڤانى راسته‌وخۆيا ڕێزدار مه‌سرور بارزانى سه‌رۆكێ حكومه‌تا هه‌رێما كوردستانێ،وێ ل نێزيك دا كه‌فته دخزمه‌تا جڤاكا ئێزديان و ميديا كوردستانى دا.
