سه‌ما
چاڤدێریا دادپەروەریا باکوور (NJW) ب پشتەڤانیا حکومەتا هەرێما کوردستانێ، ب هەماهەنگی دگەل زانکۆیا سەلاحەدین، رێکخراوا بیابانا کەسک و رێکخراوا رابە دێ کۆنفرانسێ نێڤ دەولەتی یێ جینۆساید و تاوانێن دژی مرۆڤایەتیێ ئه‌نجامده‌ت.
هه‌ديا حسێن، به‌رپرسا رێکخراوا رابە بۆ سه‌ما راگەهاند، ل رێككه‌فتى 16/9/2024ێ کۆنفرانسێ نێڤ دەولەتی یێ جینۆساید و تاوانێن دژی مرۆڤایەتیێ دێ ل هه‌ولێرا پايته‌خت ئێته ئه‌نجامدان، کۆنفرانس بۆ ماوێ ڕۆژه‌كێ به‌رده‌وام بت و تیشکێ دئێختە سەر کۆمكوژیا ئێزدیان کو ژ لایێ داعشێ ڤە هاتیە ئەنجام دان، ئارمانجا وى هشیارکرنا جیهانێ یە دەربارەی پرسگرێک و ئاریشەیێن جڤاکا ئێزدی ب کووربوونێ د چیرۆکێن دلتەزێن یێن ژدەستدان و مانێ دا، بەحسکرنا چارەنڤیسێ وندابوویان، دابینکرنا پشتەڤانیێ بۆ قوربانیا و لێگەریان ل کاریگەریێن بەرفرەهـ یێن ل سەر مافێن مرۆڤی و دادپەروەریا نێڤ دەولەتی.
هه‌ديا حسێن ديار ژى كر، دڤى کۆنفرانسى دا دێ دانوستاندن ل سه‌ر چه‌ند ته‌وه‌ران ئێته كرن، ئه‌وژى کەمپینا هشیارکرنێ بۆ پەروەردەکرنا جڤاکا نێڤ دەولەتی دەربارەی وان هۆڤاتێن دژی ئێزدیان دئێنە کرن بۆ پەروەردەکرنا تێگەهشتن و هەڤسۆزیەکا کوورتر بۆ قوربانیان،زێده‌بارى گەنگەشە ل سەر کەسێن بێ سەر و شوین ب ئارمانجا کۆمکرنا بزاڤان بۆ دیتن و ئێکگرتنا مالباتان.
به‌رپرسا رێکخراوا رابە دبێژت: پشتەڤانى یا قوربانیان، لێگەریان ل دووڤ ستراتیژیێن کاریگەر بۆ پشتەڤانیکرنا قوربانیان، ژوان هاریکاریا دەروونی، چاکسازیا جڤاکی، و هاریکاریا یاسایی،کارێ نێڤ دەولەتی بۆ داکۆکیکرن ل سەر بەرسڤدانا جیهانی یا هەڤئاهەنگ بۆ چارەسەرکرنا پشتی جینۆسایدێ، ژوان دادپەروەری بۆ تاوانباران و پشتەڤانیا بەردەوام بۆ جڤاکا ئێزدی.
ئاماژه ب وێ چه‌ندێ دا دته‌وه‌ره‌كێ دى دا باس ل پەروەردەکرنا هەڤپشکی و هەڤکاریێ ب رێيا ئینانا لایەنێن پەیوەندیدار یێن جۆراوجۆر پێکڤە بۆ سەرکردایەتیکرنا گوهۆرینەکا ب واتە ئێته كرن.