سه‌ما
محەمەد شوکری: سەرۆكێ حكومەتێ دووپات دكەت كو دڤێت هەموو كێمدەرامەت مفای ژ یەكەیێن ئاكنجیبوونێ ببینن
سەرۆکێ دەستەیا وەبەرهێنانا هەرێما کوردستانێ ڕاگەهاند، ” ب بڕیارا سەرۆکوەزیران مەسرور بارزانی، دەست ب دروستكرنا 20 هزار یەکەیێن ئاكنجیبوونێ هاتیەكرن.
محەمەد شوکری، سەرۆکێ دەستەیا وەبەرهێنانا هەرێما کوردستانێ دیار ژی كر، دروستکرنا نێزیکی 10 هزار شوققەیێن دی ژی پێدڤی ب خەرجییێ هەیە و دێ دەست پێ هێتەكرن. دوو باژێڕ بۆ کرێنشینان ل عەنکاوە و گەرمیان دێ هێنە دروستكرن و ل هەولێرێ ژی دوو جھـ بۆ دروستکرنا یەکەیێن ئاكنجیبوونێ بۆ کێم دەرامەت و كرێداران هاتیە دابینکرن.
زێدەتر گۆت: ” ل سلێمانی و دهۆك و زاخۆ و هەلەبجە و چەندین دەڤەرێن دی، پرۆژێن دروستکرنا یەکەیێن ئاكنجیبوونێ ب خزمەتگوزاری و كولێتییا بلند دێ هێنە ئەنجامدان. سەرۆکوەزیران مەسرور بارزانی بڕیار ل سەر وان پرۆژان دایە و مە دڤێت بارێ سەر ملێن خەلكی سڤك بكەین. ”
120 هزار فۆرم بۆ وەرگرتنا یەکەیێن ئاكنجیبوونێ هاتینە پڕ كرن، ئەڤە ژی بیرئینانە كو هەردەم سەرۆکوەزیران مەسرور بارزانی دووپات دکەت، هەمی كێم دەرامەت و كرێدار ژ پرۆژێن وەبەرهێنانێ مفادار بن و ئەوێن وان یەكەیان دكڕن بێ بەش نابن ژ وەرگرتنا پارچێن ئەردی ژ حکومەتێ.