ناڤەندا نووچەیان- سەما
بنگەهێ لالش ل دهۆكێ و ڕێڤەبەرییا گشتی یا كاروبارێن ئێزدیان یاداشتنامەیەكا هەڤپشك پێشكێشی وەزیرێ ئەوقافێ كر.
ئیڕۆ دووشەمبوویێ ، 22ـی ئەیلوولا 2025، سەعید جردۆ، سەرۆكێ بنگەهێ لالش ل دهۆكێ و سعود مستۆ، ڕێڤەبەرێ گشتییێ كاروبارێن ئێزدیان ل گەل د.پشتیوان سادق، وەزیرێ ئەوقاف و كاروبارێن ئایینی ل حكومەتا هەرێما كوردستانێ كۆمبوون.
د دیدارێ د، بنگەهێ لالش ل دهۆكێ و ڕێڤەبەرییا گشتی یا كاروبارێن ئێزدیان، یاداشتنامەیەكا هەڤپشەك دەربارەی چاوانیا ڕووبرووبوون و چارەسەریا گۆتارا كەڕب وكینێ پێشكێشی وەزیری كر.
وەزیرێ ئەوقاف و كاروبارێن ئایینی دووپاتكر، كار ل سەر خالێن یاداشتنامێ دێ كەن و دچارچووڤێ یاسایێ دە، وێ چارەسەریێن لەزگین ژبۆ بنبركرنا گۆتارا كەڕب وكینێ ئێنە جێبەجێكرن.
د.پشتیوان سادق، گۆتژی:كوردستانا لاندكا برایەتیا هەموو ئۆل ونەتەوەیانە، چ جاران ڕێ نادەن خرابكارا شیرازا ئاشتەوایا جڤاكی تێك بدەن.
