سه‌ما
ميرێ ئێزديان سەره‌دانا زانکۆیا ئەمریکی ل دهۆکێ كر و ئاماژه دا وەرگرتنا قوتابيێن ئێزدی ، ژ وانژی رزگاربوویان ل پشكێن زانكۆيێ.
د چارچۆڤێ بهێزکرنا هەڤکاریێ د ناڤبەرا جڤاکا ئێزدی و دامەزراوێن پەروەردەیی دا، ئيرۆ 29ى ته‌باخێ، میر حازم تەحسین بەگ، میرێ ئێزدیان ل كوردستان، عیراق و جیهانێ سەره‌دانا زانکۆیا ئەمریکی ل دهۆکێ كر و ژئاليێ راندال رۆدس، سەرۆکێ زانکۆیێ ڤه هاته پێشوازيكرن.
ميرێ ئێزديان ئاماژه ب وێ چه‌ندێ دا، زانكۆيا ئه‌مريكى ناڤه‌نده‌كا زانستی و رەوشەنبیری و ئه‌كاديمى يا گرنگه و ڕۆلێ خۆ بۆ پێشڤه‌برنا جڤاكى دبينت.
هه‌روه‌سا پێكۆلێن زانكۆيێ بۆ وەرگرتنا قوتابيێن ئێزدی، ژ وانژی رزگاربوویێن کۆمکوژیا ئێزدیان ب گرنگ ل قه‌له‌م دا، کو ئەڤە پابەندبوونا زانکۆیێ بۆ بهێزکرنا دەرفەتێن خواندنێ و تێکەلبوونا جڤاکی نیشان ددەت.
خواست ژى، ل داهاتى دا هژماره‌كا زێده‌تر يا قوتابيێن ئێزدى ل زانكۆيێ وه‌ربگرن، ژبه‌ر وان نه‌خۆشى و ئاستەنگێن د سالێن بۆری دا راستی ئێزديان هاتین قەرەبوو بکەن.
