ناڤەندا نووچەیان – سەما
سه‌رۆكا باژێرڤانيا باعه‌درێ دياركر، دپلاندايه پاركه‌كا گشتى و ده‌روازێ ناحيا باعه‌درێ بێنه چێكرن و دروستكرن.
ل ڕۆژا ئێك شه‌مبوويێ 5ى كانوونا ئێكێ 2025ێ، نه‌سيما خه‌ليل، سه‌رۆكا باژێرڤانيا باعه‌درێ بۆ سه‌ما گۆت:” سنوورێ ناحيا باعه‌درێ به‌رفره‌هبوويه و بۆ هندێ سيمايه‌كێ جوانتر بخۆڤه‌ببينت، پێشنيازكريه ده‌روازه‌يه‌كێ سه‌ره‌كى بێته چێكرن كو ده‌ربرينێ ژ سيمايێ ده‌ڤه‌رێ بكه‌ت”.
نه‌سيما خه‌ليل گۆتژى: “وه‌لاتيێن باعه‌درێ پێدڤى ب پاركه‌كا گشتى هه‌يه بۆ ده‌مێن بێهنڤه‌دانێ، بۆ ڤێ مه‌ره‌مێ ژى مه داخازا چێكرنا پاركه‌كێ هه‌يه”.
هه‌روه‌سا دوپاتكر، گه‌هاندنا پرۆژه‌يێن خزمه‌تگۆزارى بۆ وه‌لاتيان يا به‌رده‌وامه و ل سالا 2024ێ دا ژى چه‌ندين پرۆژه ب تايبه‌ت چێكرنا ڕێكێن ناڤخۆيى هاتينه ئه‌نجامدان.