سه‌ما
شارەزایەكێ سەقاناسییێ ڕاگەهاند، سەقایێ فێنكێ پاییزی دێ دەستپێكەت و ل دوماهییا ڤێ حەفتییێ ئێكەم بارانا ئەڤسالە ل هەرێمێ دێ بارت.
ئاراس جەبار، شارەزایێ سەقاناسیێ ل دۆر پێشبینییێن سەقایێ ڕۆژێن بێت ڕاگەهاند، هەر ژ سوبەهی تا داویا ڤێ هەفتییێ پلەیێن گەرمێ ب نێزیكی 3 تا 5 پلەیان بەراورد ب ڕۆژێن بووری دێ نزم بن و سەقایێ فێنك یێ پاییزی دێ دەستپێكەت.
دیار ژی كر، ل داویا ڤێ هەفتییێ و ب دیاركری ل ڕۆژا ئینيێ، ئێكەم بارانا پاییزا ئيسالە ل دەڤەرێن جوداجودا یێن هەرێمێ دێ بارت و كارتێكرنا وێ ل سەر پارێزگەها دهۆكێ دێ زێدەتر بت و پێشبینییا بارانەكا مامناوەند دئێتەكرن و كارتێكرنا وێ ڕۆژا شەمبوويێ دێ ب داوى ئێت.