ناڤهندا نووچهيان – سهما
جڤاتا ڕۆحانى يا بڵند يا ئێزديان ل دۆر پهرستگهها پيرۆزا لالش دێ كۆم بت و چهند برگهيێن گرنگ گوتۆبێژ كهن.
كهريم سلێمان، شێوهرمهندێ جڤاتا ڕۆحانى يا ئێزديان، بۆ سهما گۆت: پشتى ڕێورهسمێن جهژنا جهمايێ ل پهرستگهها لالش ب ئارامى هاتينه كرن، جڤاتا ڕۆحانى دێ كۆمبوون ل دۆر كێم و كاسيێن پهرستگههێ ههبن، كو بابهتێن ئيدارهيا لالشێ و خزمهتگۆزارييێن پێدڤى دێ گوتۆبێژ كهن.
دبێژت: گهلهك بابهت يێن ههين دڤێت ل پهرستگهها لالش بێنه چارهسهركرن، داكو ئاسانكارى بۆ خهڵكێ پهيدا بن دهمێ سهرهدانا لالشێ دكهن.
ئاماژه ب وێ چهندێ دا، ئيساله ڕێژهيهكا مهزن يا ئێزديان ل ههموو دهڤهر و وهڵاتان بهشدارى د ڕێورهسمێن جهژنا جهمايێ دا كر، لهوا بۆ جهژنێن بێت دڤێت ب شێوازهكى باشتر و بهرفرههتر كار بۆ پێشوازى و ڕێڤهبرنا ئهڤێ جهژنێ بێته كرن.
جەژنا جەمايێ، ئێكه ژ جەژنێن ئێزدیان و ل6/10 دهستپێدكهت و ماوێ ههفت ڕۆژان بهردهوام دبت. چەندین ڕێوڕەسمێن ئۆلى دڤێ جەژنێ دا ب ڕێڤەدچن. کو پەیڕەوێن ڤێ ئۆلێ ل سەرتاسەری جیهانێ قهستا پەرستگەها لالش دکەن.
ب گۆڕهى ئۆلا ئێزدیان، هەر ئێزدییەک دڤێت دژیانێ دا جارهكێ ب ئاڤا کانیا سپی بێته مۆركرن، هەروەسا ئەوێن ل دەرڤەی وهڵاتينه، ساڵانە ڤهدگەڕن و خۆ ب ئاڤا کانیێ مۆر دکەن.