سه‌ما
دەستەیا دەستپاکییا عیراقێ ڕاگەهاندیە” مە سزایێ حەفت سالێن زیندانکرنێ ل سەر فەرمانبەرەکێ خۆ یێ پێشتر دا سەپاندیە، هەروەسا ب دانا کۆژمێ زێدەتری ئێک ملیار دیناران ژی هاتیە پێگیرگرن.”
دەستەیا دەستپاکییا عیراقێ د بەیانەکێدا ڕاگەهاندیە، ئێک ژ کارمەندێن وان یێن پێشتر ب سازایێ زیندانیکرنا حەفت سالان ب غیابی هاتیە سزادان، هەروەسا هاتیە پێگیرکرن ب دانا ئێک ملیار و 250 ملیۆن و 800 هزار دیناران، ئەڤە ژی ژ ئەگەرێ وێ چەندێ کو پارەیێن وی کارمەندی ب ڕێژەیەکا زۆر زێدەبووینە.
نڤیسینگەها ڕاگەهاندن و پەیوەندییێن حکومیی یێن دەستەیا دەستپاکییا عیراقێ دیارکریە، دەربارەی ئەوێ دۆسیەیا دەستەیا دەستپاکییا عیراقێ دویڤچوون بۆ کری، ڕەوانەی دەستهەلاتا دادوەری کریە، هەروەسا دادگەها تاوانێن بەرهەنگاربوونا گەندەڵییێ، بڕیارەکا غیابی ل دژی داخوازکرییێ ڕەڤیی (بەشیر سەباح هادی) دەرخستیە، کو پێشتر کارمەندێ دەستەیا دەستپاکییا عیراقێ بوویە و سزایێ حەفت سالێن زیندانیکرنێ و ڤەگەڕاندنا پارەیێ نە یاسایی یێ کو ب دەستڤە ئینای ب کۆژمێ 625 ملیۆن و 400 هزار دیناران ب سەر دا سەپاندییە و پێدڤییە سزایێ دارایی ژی ب دەت کو هاتیە هەڤبەرکرن ب ئەوی پارەیێ کو ل سەری ئاماژە پێ هاتیە کرن.