مووچێ زیندانییێن سیاسی یێن هەرێمێ دێ هاوتای زیندانییێن سیاسی یێن عیراقێ هێتەكرن

سه‌ما

ڕێڤەبەرێ گشتییێ خزمەتگوزارییێن كەسوكارێن شەهیدان ل وەزارەتا كاروبارێن شەهید و ئەنفالكریان ڕاگەهاند، ل چەند ڕۆژێن بهێت شاندەكێ هەرێما كوردستانێ ب مەرەما هاوتاكرنا مووچێ زیندانییێن سیاسی یێن هەرێمێ ل گەل یێن عیراقێ، دێ سەرەدانا بەغدا كەت.

ئەحمەد مام ڕەسول، ڕێڤەبەرێ گشتی یێ خزمەتگوزارییێن كەسوكارێن شەهیدان ل وەزارەتا كاروبارێن شەهید و ئەنفالكریان دیار ژی كر، ڕەشنڤیسێ ڕێككەفتنا دوماهییێ دناڤبەرا حكومەتێن هەرێما كوردستانێ و عیراقێ دا د قۆناغێن دوماهییێ دایە داكو مووچێ زیندانییێن سیاسی یێن هەرێمێ هاوتای مووچێ زیندانییێن سیاسی یێن عیراقێ بهێنەكرن و زێدەتری 25 هزار زیندانی دێ ژێ مفادار بن.

دهێتە چاڤەڕێكرن ل ڤان نێزیكان سەرۆكێ حكومەتا هەرێمێ ئیمزایێ ل سەر بكەت و پاشان شاندەكێ هەرێما كوردستانێ دێ چیتە بەغدا بۆ ڤی بابەتی.