ناڤه‌ندا نووچه‌یان – سه‌ما
ئەندامه‌كێ سەرکردایەتیا ئەنجوومەنێ ئێزدیێن سووریێ ئاشكراكر، پترى 20 مالباتێن ئێزدى ڤەگەریانە گوندێ باسۆفانێ ل دەڤەرا عەفرینێ ل رۆژئاڤایێ کوردستانێ.
بەکر جەعفەر، ئەندامێ سەرکردایەتیا ئەنجوومەنێ ئێزدیێن سووریێ بۆ مالپه‌رێ وەلات تیڤى گۆت: “ژ سالا 2018ێ وه‌ره ژ دەمێ کو کورد ژ عەفرینێ هاتینە کۆچبەرکرن، گوندێ باسۆفانێ ناسناما خۆ ڤەدگەرینت، نوكه پتر ژ 20 مالباتێن کوردێن ئێزدى ژ تاخێن شێخ مەقسود، ئەشرەفیێ، شەهبا، تەبقا و رەقا ڤەگەریانە گوندێن خۆ و دەست ب ڤەژاندنا هەلکەفتێن خۆ يێن تایبەت کرینە”.
ئەندامێ سەرکردایەتیا ئەنجوومەنێ ئێزدیێن سوریێ گۆتژى: ئێکەم جارە ژ سالا 2018ێ وه‌ره ب دەهان مالبات جەژنا ڕۆژيێن ئێزى يا ئيساله ب هەڤڕا ڤەدژینن و سەره‌دانا گۆڕێن مریێن خۆ دکەن.
گوندێ باسۆفانێ ژ گوندێن کوردێن ئێزدى یە و ئێک ژ گوندێن ناڤچەیا شێراوا یا عەفرینێ یە، ژ سالا 2018ێ وه‌ره ب دەهان مالباتێن ئێزدى ژ گوند دەرکەفتینە و کۆچبەر بووینە.