سه‌ما
په‌یڤدارا باره‌گایێ بارزانى ڕاگه‌هاند، پێشمه‌رگه هێزه‌كا ڕێكخستییه، نه‌كو هێزه‌كا تائیفییه داكو دژایه‌تییا پرچه‌ككرنا وى دهێته‌كرن.
خالیده خه‌لیل په‌یڤدارا باره‌گایێ بارزانى د پۆسته‌كیدا ل تۆرا جڤاكییا ئێكس ڕاگه‌هاند، پێشمه‌رگه هێزه‌كا ڕێكخستییه و د ده‌مه‌كێ پێدڤیدا بۆ به‌ره‌ڤانیكرنا ژ ژیانه‌كا شه‌ره‌ڤمه‌ندانه و ئاخا كوردستانێ هاتییه پێكئینان.
ب گۆڕه‌ى گۆتنا په‌یڤدارا باره‌گایێ بارزانى، پێشمەرگەى شه‌ر ل دژی ئێك ژ دڕندەترین ڕێکخراوان کو داعش بوو كر و شەهید دان، هێزه‌كا ڕێكخستییه، نه‌كو هێزه‌كا تائیفییه داكو دژایه‌تییا پرچه‌ككرنا وى ب سه‌كنن.
هه‌روه‌سا ئاماژه ب هندێ دا، پێشمه‌رگه هێمایێ ئاسایش و سه‌قامگێرییێ و ئاشتییێ یه.