ناڤەندا نووچەیان – سەما
دپهراوێزا سهرهدانا خۆ دا بۆ وهڵاتى بريتانيا، مير حازم تهحسين بهگ، ميرێ ئێزديان ل كوردستان، عێراقێ و جيهانێ ل گهڵ جڤاتا گشتى يا وى وهڵاتى كۆمبوو و ڕهوشا ئێزديان بهحسكرن.
نڤيسينگهها جڤاتا ڕۆحانى يا بلند يا ئێزديان ڕاگههاند، دڤێ ههڤديتنێ دا، ميرێ ئێزديان ب تێر و تهسهڵى بهحسێ ڕهوشا ئێزديان كر و گۆت: جينۆسايد يا بهردهوامه و هێشتا ڕووفاتێن قوربانيان نههاتينه دهرخستن و گۆڕێن بكۆم ل ههموو دهڤهرێن شنگالێ ههينه هێشتا پتريا وان نههاتينه هلدان.
د ڕاگەهاندنێ دا هاتييە، جڤاكێ ئێزدى ژ كارهساتهكا مرۆڤى دناڵت و مانا ئێزديان ل كهمپێن ئاوارهبوونێ و نهبوونا ئاراميێ ل دهڤهرێن وان بوويه مهترسيهكا ڕاستهقينه ل سهر ئهوان.
ئاماژه ب وێ چهندێ دا، ئێزديان پێدڤى ب پشتهڤانى يا بريتانيا ههيه بۆ بزاڤێن لێگهريان و ئاشكراكرنا چارهنڤيسێ ڕهڤانديان، پشتى ژناڤچوونا ڕێكخراوا داعش يا تيرۆرى.
رۆنكر ژى: ميرى داخوازكر پهنابهرێن ئێزدى ل برتيانيا ب زۆرهمڵێ نهڤهگهرينن و ههڤكار بن بۆ دووباره پێگههاندنا ڕزگاربوويان.
ههر ئێك ژ مهيان خێرێ بهگ، خاتوونا ئێكێ يا ئێزديان و د.خهلهف شنگالى، شێوهرمهندێ سهرۆكوهزيرێن عێراقێ بۆ كاروبارێن ئێزديان و كونسۆل برين تهحسين بهگ، دڤێ ههڤديتنێ دا بهرههڤبوون.