ناڤەندا نووچەیان – سەما
بنگههێ لالش ل دهۆكێ ب توندی داخویانیيێن مستهفا سهنهد ل دژى ئێزدييان شهرمزار كرن و ڕاگههاند، ئهگهر ياسايهك ههبا، سهنهد و هندهك كهسان، نهدوێرين سفكاتييێ ب ئێش و برینێن جینۆسایدا ب سهرێ ئێزدیيان دا هاتى بكهن.
ئيرۆ پێنج شهمبوويێ 2ـى نيسانا 2026، بنگههێ لالش ل دهۆكێ بهياننامهيهك ل دژى داخویانیيێن مستهفا سهنهد، ئهندامێ جڤاتا نوونهرێن عێراقێ ل دژى ئێزدييان، بهلاڤ كر.
د بهياننامهيێ دا بنگههێ لالش دوپاتكر “پێدڤييه مهرجهعێن ئۆلى و سیاسی یێن نیشتيمانی و بهرپرس ڕۆلێ خۆ بگێڕن بۆ فشارێ ل سهر جڤاتا نوونهرێن عێراقێ دا كو ب زووترین دهم ياسايهكا زهلال و توند بۆ چارهسهركرنا دیاردا گۆتارێن كهرب و كینێ پهسهند بكهت.”
دهقێ بهياننامهيا بنگههێ لالش:
بنگههێ لالش یێ رهوشهنبیری و كۆمهلایهتی ههردهم داخوازا دهركرنا ياسايهكا توند كرییه كو سنوورهكی بۆ وان ئاخفتن و گۆتارێن كهرب و كینێ دانێت یێن كو پێكهاتهیێن ئۆلى یان نهتهوهیی ل عێراقێ دكهنه ئارمانج.
ئهگهر ياسايهكا ب ڤی ڕهنگی ئیڕۆ یا كارا با، هندهك كهسان و ژ وان ژی ئهندامێ جڤاتا نوونهرێن عێراقێ مستهفا سهنهد و یێن بهری وی ژی، نهدوێرين سفكاتييێ ب ئێش و برینێن جینۆسایدا ب سهرێ ئێزدیيان دا هاتى بكهن.
د دهمهكی دا كو ئهم ب توندی ڤان داخویانیێن نهجوان و خراب یێن وی پهرلهمانتاری شهرمزار دكهین، ئهم دوپات دكهین كو ئهڤ كریاره نه بتنێ برینداركرنا ههستێن قوربانییان و كهسوكارێن وانه، بهلكو ئهڤه بنهمایێن پێكڤهژیانێ و ئاشتییا كۆمهلایهتی ل وهلاتی ژ ناڤ دبهت.
لهورا، ئهم داخوازێ ژ مهرجهعێن ئۆلى و سیاسی یێن نیشتيمانی و بهرپرس دكهین كو ڕۆلێ خۆ بگێڕن بۆ فشارێ ل سهر جڤاتا نوونهرێن عێراقێ دا كو ب زووترین دهم ياسايهكا زهلال و توند بۆ چارهسهركرنا دیاردا گۆتارێن كهرب و كینێ پهسهند بكهت، و كار بۆ نههێلانا ڕههـ و ريشالێن ڤێ دیاردێ ژ ناڤ جڤاكی بكهت. ب ڤێ چهندێ دێ كهلتوورێ ههڤوهلاتیبوونێ چهسپينت و بهایێن ڕێزگرتنا ههڤدو و شانازیكرن ب وهلاتهكی كو جهێ ههموو خهلكێ وی تێدا بت، دێ بێهێزتر لێ ئێن.
دهستهيا بلندا بنگههێ لالش يێ ڕهوشهنبيرى و كۆمهلايهتى ل دهۆكێ
2/4/2026