سه‌ما
هۆنه‌رمه‌ندێ سترانبێژ بارزان عه‌بۆ، نووترين كليپا خۆ ب ناڤێ “كچكۆكێ”ب شێوێ ڤيديۆ به‌لاڤكر.
بارزان عه‌بۆ، هۆنه‌رمه‌ندێ سترانبێژ ل دۆر به‌رهه‌مێ خۆ يێ نوو بۆ سه‌ما راگه‌هاند: هه‌یاما چه‌ند هه‌یڤانه مژوولی دروستكرنا كلیپا كه‌چكۆكێ بووم وخۆشحالی ڤه به‌ری چه‌ند رۆژان به‌لاڤبوو، كلیپ ژ په‌یڤێن من و ئاوازێن غه‌ریب قادرینه ده‌نگ ل ستۆدیا تون میوزیك ل باژێرێ دهۆكێ ژلایێ محه‌مه‌د زكی و مه‌هدی نوری هاتیه سه‌رپه‌رشتیكرن، مۆزیك ژی ل باژێرێ ئه‌سته‌نبۆلێ هاتیه تۆماركرن.
گۆت ژى: ل باكورێ كوردستانێ و تایبه‌ت ل زۆزانێن جۆله‌مێرك و هه‌كارێ هاتیه ڤیدیۆكرن، هه‌روه‌سا حسێن سه‌عید و ستار ئه‌حمه‌د هه‌ردوو كارێن مونتاژ و ده‌رهێنانێ ئه‌نجامداینه و زێده‌تری 50 كه‌سان د هه‌موو بیاڤێن كلیپێ دا پشكداری كرییه.
دبێژت:ناڤه‌رۆكا كلیپێ كورده‌واری یه و دلێ كوره‌كی دكهف‌ته كچه‌كێ و ب جوانی و دێم و گرنژین و به‌ژن و هه‌بوونا وێ ب دارێن زه‌یتوونان ل باشیك و به‌حزانێ و هژێرێن شنگالێ ب سروشتێ زاخۆ و دهۆك و خه‌تارێ و باسكێ شێخا …هتد د شۆپینت.
ناڤبرى خه‌لكێ كۆمه‌لگه‌ها مه‌هه‌تێ يه ل قه‌زايا شێخان، ئێك ژ سترانبێژێن گه‌نجه، ب كليپا خۆ يا نوو دلێ هه‌موو جه‌ماوه‌رێ خۆ خۆشكر.