سه‌ما
ل ڤان نێزيكان په‌رتۆكا(دئێزدياتييێده رێنيشانێن مرنێ) يا نڤيسكار ئێزدى كه‌مال تۆلان ب هه‌ردوو پيتێن ئارامى و لاتينى دێ ئێته وه‌شاندن و كه‌فته به‌رده‌ستێ خوونده‌ڤانان.
سه‌باره‌ت به‌رهه‌مێ خۆ يێ نوو نڤيسكار ئێزدى كه‌مال تۆلان بۆ سه‌ما راگه‌هاند: په‌رتۆكا(دئێزدياتييێده رێنيشانێن مرنێ) ل ڤێ داويێ ده‌ركه‌فتيه و دوو به‌شن هه‌ردوو پيتێن ئارامى و لاتينى يێن زمانێ كوردى، ل نێزيك دێ ئێته وه‌شاندن.
ل دۆر ناڤه‌رۆكا په‌رتۆكێ تۆلان دبێژت: د ناڤه‌رۆكێ دا به‌حس ل رێوره‌سمێن مرنێ و تازيان و هه‌ر تشته‌كێ گرێدايى ب مرنێ ڤه بت دئێزدياتيێ دا و قه‌ول و به‌يت تێدا هاتينه گۆتن دگه‌ل شرۆڤه‌كرنا وان.
نڤيسكارى ئاماژه كر، په‌رتۆك ب قه‌بارێ ناڤه‌ندى ژ ئاليێ ده‌زگه‌هێ دۆز ڤه هاتيه چاپكرن و ل ڤان نێزيكان دێ ئێته وه‌شاندن.
تۆلان، ئێك ژ نڤيسكار و ڤه‌كۆله‌رێن دياره يێ كه‌فنه‌شۆپێن ئێزديان، ل گوندێ شه‌مزێ ل باژێرێ باتمانێ ژ دايكبوويه و نۆكه ل وه‌لاتێ ئه‌لمانيا ئاكنجى يه.