سه‌ما
سەرۆککۆمارێ ئیسلامیا ئيرانێ و بەرپرسێن هەرێما کوردستانێ پەیوەندیێن دووقۆلى گوتۆبێژكرن.
نێزیکی ده‌مژمێر 08:15 خۆله‌كێن سپێده‌هيا ئيڕۆ پێنج شەمبوويێ، 12-09-2024، مەسعود پزیکشیان، سەرۆککۆمارێ کۆمارا ئیسلامیا ئيرانێ گەهشتە فڕۆکەخانەیا نێڤ دەوڵەتی يا هەولێرێ و ژلایێ نێچیرڤان بارزانی، سەرۆکێ هەرێما کوردستانێ هاته پێشوازیكرن.
سەرۆککۆمارێ کۆمارا ئیسلامیا ئيرانێ ل سەرۆکایەتیا هەرێما کوردستانێ؛ ل گەڵ نێچیرڤان بارزانی، سەرۆکێ هەرێما کوردستانێ و مەسرور بارزانی، سەرۆکێ حکوومەتا هەرێما کوردستانێ و ژمارەیەک ژ بەرپرسێن هەرێمێ کۆمبوو، پاشان جودا ل گەڵ سەرۆک بارزانی کۆمبوو.
ژێده‌ره‌كێ بلند بۆ کوردستان24 ڕاگەهاند، ل کۆمبوونێن ناڤبه‌را سەرۆککۆمارێ کۆمارا ئیسلامیا ئيرانێ و بەرپرسێن هەرێما کوردستانێ “پەیوەندیێن مێژوویی، ئابووری، بازرگانی و فەرهەنگێن ناڤبه‌را هەردوولايان گوتۆبێژكرن”.
ب گۆڕەی وى ژێده‌رێ بۆ کوردستان24 ئاخڤى، بەرپرسێن هەرێما کوردستانێ بۆ سەرۆککۆمارێ ئيرانێ دووپات کرن، “هەرێما کوردستانێ ئارامی و سەقامگیریا ده‌ڤه‌رێ دڤێت”.
دوهى چارشەمبوويێ، 11-09-2024، پزیکیشیان گەهشتە بەغدا و ب جودا ل گەڵ د. لەتیف ڕەشید، سەرۆککۆمارێ عێراق؛ محەممەد شیاع سوودانی، سەرۆکوەزیرێن عيراقێ و بەرپرسێن دی يێن حکوومی و حزبی يێن عيراقێ کۆمبوو.
ئەڤه ئێكه‌م سەره‌دانا مەسعود پزیشکیانە بۆ عيراقێ و هەرێما کوردستانێ پشتى كو ل 19ی تەمموزا بۆرى، بوويە سەرۆککۆمارێ نوو يێ ئیسلامیا ئيرانێ.