سه‌ما
ل په‌رستگه‌ها لالش ب ده‌هان خلمه‌تكار رۆژانه خلمه‌تا په‌رستگه‌هێ دكه‌ن، و ئه‌و ژ خه‌لكێ دخوازن ده‌مێ سه‌ره‌دانا لالش دكه‌ن هه‌ڤكار بن و پاقژيا ڤى جهێ پيرۆز بپارێزن.
مه‌روان علوبى، ئێك ژ خلمه‌تكارێن په‌رستگه‌ها لالش بۆ سه‌ما گۆت: رۆژانه ئێزدى ل هه‌موو ده‌ڤه‌رێن ئێزديان و ژ ده‌رڤه‌ى وه‌لاتى ژى قه‌ستا لالش دكه‌ن و زياره‌تى دبن و هيڤى و دوعايان دخوازن، ئه‌م نێزيكى 500خلمه‌تكاران ل هه‌موو رۆژان و جه‌ژن و هه‌لكه‌فتان ب كارێ پاقژكرنا په‌رستگه‌هێ ڕادبين.
علوبى زێده‌تر گۆت: خه‌لمه‌تكارێن لالش بسه‌ر گرۆپاندا هاتينه دابه‌شكرن و پتريا وان ل رۆژێن چارشه‌مبوو، ئينيا به‌رهه‌ڤ دبن، ژبه‌ركو گه‌له‌ك ژ وان فه‌رمانبه‌رن هه‌موو ده‌مان ده‌رفه‌ت نينه،هه‌روه‌سا داخوازێ ل خه‌لكێ خۆ دكه‌ين دگه‌ل خلمه‌تكاران دهه‌ڤكار بن و به‌رمايكێن خۆ نه‌هاڤێژن و به‌رده‌وام پاقژيا وێ بپارێزن.
لالش پەرستگەھا پیرۆزا ئێزدیانە دكه‌فته گه‌ليێ لالش ب دوراتيا 9 كيلۆمه‌تران ژ قه‌زا شێخان،ھەر سال گەلەک جەژن و رێوره‌ەسمێن ئۆلی ل لالشێ تێنه ل دارخستن.
گەلەک ھێمانێن ھوندرێ پەرستگەھێ خوەدی واتەیێن کوورن، میناک ھەفت ستوون ھەنە کو ھەر یەک ژ وان ھەفت ملیاکەتێن سەرەکیێن ئێزدیاتیێ خويا دکه‌ن.رۆژانه ئێزدی ژ وه‌لات و ده‌رڤه‌ى وه‌لاتى بۆ زیارەتێ تێنه لالشێ، ئەڤ یەک ژ بۆ وان ئەرکەکێ ئۆلییە.
لالش نە تەنێ جھەکێ ئۆلییە، لێ بەلێ ناڤەندەکە گرنگا چاند و کەڤنەشۆپیا ئێزدیانە ژی.