سه‌ما
به‌رپرسێ تيپا ئازادى يا هۆنه‌رى دبێژت: ئه‌و چالاكيێن ئه‌نجام دده‌ين هشيارى و په‌يامه‌كا مرۆڤايه‌تى تێدا بوو مه بكاردئينا، كو هه‌موو جۆرێن هۆنه‌رى پيرۆزيا خۆ هه‌يه و ب چاڤه‌كێ پرى رۆناهى كارێن خۆ به‌رچاڤ دكرن.
حسێن باعه‌درى، به‌رپرسێ تيپا ئازادى يا هۆنه‌رى بۆ سه‌ما دياركر، تيپا وان ژ پشكێن، شانۆ،شێوه‌كارى و مۆزيكێ پێكهاتيه هه‌تا نۆكه چه‌ندين چالاكى وه‌كو ڤه‌كرنا خۆلێن فێربوونا مۆزيكێ، شێوه‌كارى و نمايشكرنا شانۆيان ئه‌نجامداينه، هه‌روه‌سا پتر ژ 100 پارچه‌يێن فلكلۆرى دناڤا مۆزه‌خانا تيپێ دا پاراستينه و خۆ ل فلكلۆرێ باب و كالان دكه‌ينه خودان و ژ وندابوونێ دپارێزين.
باعه‌درى دوپاتكر، چالاكيێن ئه‌نجام دده‌ين هشيارى و په‌يامه‌كا مرۆڤايه‌تيێ تێدا بوو مه بكاردئينا كو هه‌موو جۆرێن هۆنه‌رى پيرۆزيا خۆ هه‌يه، هه‌ر ديسان ب رێيا هۆنه‌رى خزمه‌تا مرۆڤايه‌تيێ دكه‌ين.
پشتى ژناڤچوونا رژێما گۆرب گۆڕ ل 2003، تيپا ئازادى ل سه‌ر ده‌ستێ كۆمه‌كا خه‌مۆر و هۆنه‌رمه‌ند و ڕه‌وشه‌نبيران ل ده‌ڤه‌را شێخان هاته دامه‌زراندن، باره‌گايێ وێ نۆكه ل گوندێ بێبانێ ل ناحيا ئه‌لقوش درێژيێ ب كار و چالاكيێن خۆ دده‌ت.