سه‌ما
ئيرۆ چارشه‌مبوويێ 11ى ئيلۆنا 2024ێ، ب ئامادەبوونا سەرۆك مەسعود بارزانی و سەربەست لەزگین ئەندامێ مەكتەبا سیاسی و بەرپرسێ مەكتەبا رێكخستنا پارتی ل پارێزگەها دهـوكێ و د.عەلی تەتەر پارێزگارێ دهوكێ و گوهدار شێخۆ سەرپەرشتیارێ ئێدارا سەربەخۆیا زاخۆ و هەژمارەكا سازیێن حزبی و حكومی و پێشمەرگەهـێن دێرین و مالباتێن شەهیدان بۆ جارا ئێكی شانۆگەریا ”داستانا كوردستانێ”ل باژێرێ دهوكێ هاتە نمایشكرن.
سه‌رۆك بارزانى دنیشاندانا شانۆگه‌رییا ( داستانا كوردستانێ )دا گوتاره‌ك پێشكێشكر و د گوتارا خۆدا گه‌له‌ك ب باشى به‌حسا شانۆگه‌رییێ كر و گوت: شانۆگه‌رى ڤه‌گه‌راندنا مێژوویا گه‌لێ كوردستانێ بوو ب شێوه‌یه‌كێ گه‌له‌ك ب ڕێك و پێك.
سه‌رۆك بارزانى، گه‌لێ كوردستانێ مێژوویه‌كا گه‌له‌ك ده‌وله‌مه‌ند هه‌یه، لێ ب مخابنیڤه مێژوویا خۆ نزانیت، له‌وما یا د جهێ خۆدایه چالاكییێن هونه‌رى دڤى بیاڤیدا بهێنه‌كرن.
هەروەسا سه‌رۆك بارزانى دگوتارا خۆدا به‌رپرسێن حكومه‌تا هه‌رێما كوردستانێ و پارتى دیموكراتى كوردستان ڕاسپاردن، پشته‌ڤانییا ڤان جۆره چالاكییان بكه‌ن.
د شانۆگەریا ”داستانا كوردستانێ” دا وێستگەهێن جودا جودا یێن داستانێن كوردستانێ ل خۆ گرتن و چەندین بابەت و رویدانێن مێژووی كو ل هەرێما كوردستانێ هاتینە روویدان هاتنە بەرچاڤ گرتن و دەستپێكا شورەشێن كوردستانێ و بنەمایێن سەرەكی یێن شورەشێ د چوارچوڤێ كارەكێ هونەری دا هاتنە نمایشكرن.
