سه‌ما
وەزارەتا سامانێن سروشتی ئاشكرا کر، زێدەتر ژ 373 هزار خێزان نەفتا پاڵشتییكراوی یا حكوومەتی ب سەر هاتیە دابەش کرن، كۆ پرانیا وان ل هەڵەبجە و سۆران بوویە.
د راگەهاندنەکێدا وەزارەتا سامانێن سروشتیی یێن هەرێما كوردستانێ بڵاڤ کر، رۆژانە نەفتا سپی هاتیە دابین کرن ژلایێ حكوومەتا هەرێما كوردستانێ ل پارێزگەهـ و ئیدارێن سەربەخۆ دهێتە دابەش کرن.
ئاماژە بۆ وێ ژی کریە، هەتا رۆژا 24ێ10ێ2024، نزیکێ 75 ملیۆن لیترێن نەفتا سپی بسەر زێدەتر ژ 373 هزار و 426 خێزانان هاتیە دابەش کرن.
تەکەز ژی کریە، ئەو نەفتا هاتیە دابەش کرن دبیتە نزیكێ 35% ژ كۆما نەفتا کۆ هاتیە دابەشكرن.
لگورەی ڕاپۆرتا وەزارەتا سامانێن سروشتی، ل هەڵەبجە زۆرترین نەفت هاتیە دابەشكرن كۆ دبیتە 64% و پشتی وێ ژی سۆران دهێت ب رێژەیا 42%.
لگورەی راپۆرتێ، نوکە زێدەتر ژ 970 هزار خێزانان ماینە کۆ بەرمیلەکا نەفتێ وەربگرن، كۆ زۆرترین ل سلێمانی و هەولێرن,
ئاری كاكه‌شین، ڕێڤەبەرێ دابه‌شكرنا سووته‌مه‌نیا هه‌ولێرێ ڕاگه‌هاند: “دابەشكرنا نەفتا ماڵان دناڤ سەنتەرێ هەولێرێ بەردەوامە و پشکەکا مەزن یا بریکاران نەفت وەرگرتیە.”
بەری نوکە د ڕاگەهاندنەکێدا وەزارەتا سامانێ سروشتی بڵاڤکر، لسەر فەرمانا مەسرور بارزانی، سەرۆک وەزیرانێ هەرێما کوردستانێ، دەست ب دابەشکرنا نەفتا سپیی یا ماڵان هاتیە کرن.
وەزارەتا سامانێن سروشتیی، ئاماژە بۆ وێ کربوو، نەفتا سپیی یا ماڵان، ب بهایێ پاڵپشتیکری بسەر وڵاتیاندا بهێتە دابەش کرن، کۆ 200 لیترێن نەفتا سپی بۆ هەر خێزانەکێ ب بهایێ 100 هزار دینارە و چار هزار دینار وەکو کرێیا ڤەگوهاستنێ دهێتە وەرگرتن.
دەستپێکی نەفت ل ڕۆژا 12/9/2024، ل دەڤەرێن چیایی دەست ب دابەشکرنێ هاتیە کرن.