سه‌ما
ئيرۆ شەمبوویێ 19ی10ی2024 ێ، لژنا بلندا هەڵبژارتنێن پارتی دیموکراتی کوردستان بۆ خۆلا شەشێ یا پەرلەمانێ كوردستانێ ڕاگەهاندنه‌ك به‌لاڤكر.
ده‌قێ وێ ڕاگه‌هاندنێ:
جەماوەرێ خۆشتڤییێ كوردستانێ…
بناڤێ لژنا بلندا هەڵبژارتنێن پارتییا مه بۆ خولا شەشێ یا پەرلەمانێ كوردستانێ، پیرۆزباهییەكا گەرم بۆ سەركەڤتنا مه‌زنا لیستا 190 یا پارتییا مه د دەنگدانا تایبەت دكەین كو ل ڕۆژا 18 ی ئۆكتۆبەرا 2024 ێ برێڤەچوو.
زێده‌باری سوپاس و پێزانینێن مه بۆ ڕۆلێ جوامێرانە و قارەمانه یێن پارێزەرێن وه‌ڵاتی، ئەڤ باوه‌رییا مه‌زن و گرنگ یا پێشمەرگەیێن قارەمان و دەنگدەرێن دەنگدانا تایبەت ب پارتییا مه، جهێ سەربلندی و شانازییا مه‌زنە.
هەروەك چاوا د داستانێن مه‌زندا پێشمەرگەیان ب گیان و خوینا پیرۆزا خۆ بەرگری ژ كوردستانێ دكر، ب ڤێ دەنگدانا به‌رفره‌هـ و زۆر بۆ لیستا 190 یا پارتییا مه جاره‌كا دی سەنگەری بەرگرییێ ژ ئارامییا كوردستانێ بۆ ئاڤەدانی و خۆڕاگرییێ پتر پاراست و ب ڤێ چه‌ندێ مزگینییا سەركەڤتنا مه‌زنتر یا پارتی دا.
بناڤێ لژنا بلندا هەڵبژارتنێن پارتییا مه دوبارە سوپاس و پێزانینێن مه بۆ تێكڕایا دەنگدەرێن بەڕێز یێن دەنگدانا تایبەت و داخوازێ ژ دەنگدەرێن كوردستانێ دكەین ب به‌رفره‌هێ پشكدارییێ د هەڵبژارتنێن سوبەهی 20 ی ئۆكتۆبەرێ دا بكەن داكو كوردستان بمینیته د دەستێن ئەمین دا.
لژنا بلندا هەڵبژارتنێن پارتی دیموکراتی کوردستان بۆ خولا شەشێ یا پەرلەمانێ کوردستانێ.