سه‌ما
دوهى رۆژا ئێك شه‌مبوويێ 13ى تشرينا ئێكێ، رێوره‌سمێن جه‌ژنا جه‌مايێ دكه‌شه‌كێ ئارام دا و ب هيچ كێشه‌يه‌ك رووبده‌ت ل په‌رستگه‌ها لالش ب داوى بوون.
لوقمان سلێمان، به‌رپرسێ راگه‌هانا په‌رستگه‌ها لالش بۆ سه‌ما راگه‌هاند، ئيساله رێوره‌سمێن جه‌ژنا جه‌مايێ جودا ژ سالێن بۆرى ب شێوه‌يه‌كى پتر يێ رێكخستى و رێك و پێك بۆ ماوێ هه‌فت رۆژان بێ هيچ جۆره كێشه‌يه‌ك رووبده‌ت ل په‌رستگه‌ها لالش هاتنه گێڕان.
راگه‌هاند ژى: تشتێ هه‌رى بالكێش دجه‌ژنا جه‌مايێ دا خه‌لكه‌كێ زۆر ژ ئێزديێن ژ ده‌رڤه‌ى وه‌لاتى ب جلوبه‌رگێن ره‌سه‌نێن ئێزدياتيێ سه‌ره‌دانا لالشێ كرن بۆ پشكداريكرنێ درێوره‌سمێن ئۆلى دا.
گۆتژى: ئيساله زێده‌ترى 100هه‌زار ئێزديان ل سه‌رانسه‌رى جيهانێ پشكدارى ل رێوره‌سمێن جه‌ژنا جه‌مايێ دا كرن.
رێوره‌سمێن جه‌ژنا جه‌مايێ ل 6_13/10/2024ێ ب ئاماده‌بوونا ميرێ ئێزديان و بابێ شێخ و جڤاتا روحانى و خه‌لكه‌كێ زۆر ل په‌رستگه‌ها لالش ده‌ست پێ دكه‌ن و بۆ ماوه‌يێ هه‌فت رۆژان به‌رده‌وام دبن.