سه‌ما
ل سه‌ر بوودجه‌يا حكومه‌تا هه‌رێما كوردستانێ، به‌رێ بنياتى بۆ هه‌ژماره‌كا پرۆژێن خزمه‌تگۆزارى ل سنوورێ ناحيا خانكێ هاته دانان.
زه‌رده‌شت شێخ شامۆ، رێڤه‌به‌رێ ناحیا خانكێ بۆ سه‌ما راگه‌هاند، پارێزگارێ دهۆكێ دچارچۆڤێ سه‌ره‌دانا خۆ دا بۆ قه‌زا سێمێلێ به‌رێ بنياتى بۆ هه‌ژماره‌كا پرۆژه‌يان دانا، ژوانژى ب كوژمێ سێ مليار ديناران چه‌ندين پرۆژه به‌ر ب خانكێ كه‌فتن.
گۆتژى: ئه‌ڤ پرۆژێن نوو چێكرنا یاریگه‌هه‌كا بچوككری، دگه‌ل سه‌خبێریكرن و قێركرنا جاده‌یێن ناڤخۆيى ل سنوورێ ناحيا خانكێ بخۆڤه دگرن.
ناحيا خانكێ دكه‌فته ئاليێ رۆژئاڤايێ پارێزگه‌ها دهۆكێ سه‌ر ب قه‌زا سێمێلێ ڤه، پشتى ب فه‌رمى بوويه ناحيه ب ده‌هان پرۆژێن خزمه‌تگۆزارى هاتينه ئه‌نجمادان و كه‌فتينه دخزمه‌تا وه‌لاتيان دا.