سه‌ما
بنگه‌هێ لالش ل دهۆكێ دانوستاندنه‌كا ڤه‌كرى ل دۆر ئه‌نجومه‌نێ پارێزگه‌ها نه‌ينه‌وا.. بزاڤ و ئاسته‌نگ، بۆ جه‌مال ششۆ، ئه‌ندامێ ئه‌نجومه‌نى رێكخست.
ئيرۆ پێنج شه‌مبوويێ 7 تشرينا دووێ 2024ێ، دچارچۆڤێ پێنج شه‌ما ره‌وشه‌نبيرى دا و ب ئاماده‌بوونا هه‌ژماره‌كا ئه‌كاديمى و كه‌سايه‌تى و ره‌وشه‌نبيران، ل بنگه‌هێ لالش ل دهۆكێ دانوستاندنه‌كا ڤه‌كرى ل دۆر ئه‌نجومه‌نێ پارێزگه‌ها نه‌ينه‌وا.. بزاڤ و ئاسته‌نگ ب رێڤه‌چوو.
جه‌مال ششۆ، ئه‌نه‌نجومه‌نێ پارێزگه‌ها نه‌ينه‌وا باس ل چه‌ند پرسگرێكان كر و گۆت: بريارێن ئه‌نجومه‌نێ پارێزگه‌هێ ل ده‌رڤه‌ى ئه‌نجومه‌نى دئينه دان و بسه‌ردا بجهدئينن، ئه‌م به‌رده‌وام به‌ره‌ڤانيێ ل ماف و داخوازيێن ئێزديان د هه‌موو بياڤان دا دكه‌ين.
ششۆ راگه‌هاند ژى: ئه‌و پرۆژێن پێشكێش دكه‌ين رێگرى لێ دئێته كرن بۆ هندێ ل ده‌ڤه‌رێن كوردان نه‌ئێنه ئه‌نجامدان، و به‌رده‌وام داخوازا خزمه‌تگۆزاريان بۆ ده‌ڤه‌رێن خۆ دكه‌ين.
لدوڤدا دەرگەهێ دانوستاندنێ دناڤبەرا ئامادەبوویان دە ڤەبوو و بەرسڤا هەموو پرسا ژلایێ ئه‌ندامێ ئه‌نجومه‌نى ڤه هاتنه دان.
بنگه‌هێ لالش يێ ره‌وشه‌نبيرى و كۆمه‌لايه‌تى ل دهۆكێ، مه‌زنترين سازيا ره‌وشه‌نبيرى يا ئێزديانه و تايى و نڤيسينگه‌هێن ل هه‌موو ده‌ڤه‌رێن ئێزديان هه‌نه دبياڤێن جودا جودا خزمه‌تا جڤاكا ئێزديان دكه‌ت.