سه‌ما
ئەندامه‌كێ ئەنجومەنێ نوونەرێن عيراقێ دبێژت: داخوازێ ل هەموو خەلکێ ده‌ڤه‌رێن ماددا 140 دکەين، ڤه‌گه‌رنه ده‌ڤه‌رێن خۆ يێن ره‌سه‌ن داكو به‌شداريێ بكه‌ن ل ناڤ نڤيسينێ دا ل رۆژا سه‌رژمێريێ.
شه‌مبوويێ 16ى تشرينا دووێ 2024ێ، شێروان دوبەردانی، ئەندامێ ئەنجومەنێ نوونەرێن عيراقێ راگه‌هاند: نەڤه‌گەريانا خه‌لكێ ده‌ڤه‌رێن ماددا 140 دبته ئه‌گه‌رێ کێمبوونا ئاكنجيێن هاتينه هژمارتن، ئه‌ڤه‌ژى دبتە ئه‌گه‌رێ کێمبوونا پشکا بودجەیا تەرخانکرى بۆ گوندان و کێمبوونا چانسێ دامه‌زراندنێ بۆ زارۆكان.
دوبه‌ردانى گۆتژى: داخوازێ ل هەموو خەلکێ ده‌ڤه‌رێن ماددا 140 دکەم ب تایبەت ده‌ڤه‌رێنن ناحیا زیلکان و بنارى چياىێ مەقلوب و گوندێن دەوروبەر و قەزا شێخان وشنگال و کەرکوکێ، ڤه‌گەڕنە ده‌ڤه‌رێن خۆ يێن ره‌سه‌ن.
شێروان دوبەردانی ئاماژه ب وێ چه‌ندێ دا،ئەڤ بەشداریە دێ مافێن وە و زارۆكێن وه زامن که‌ت ودبته ئه‌گه‌رێ تەرخانکرنا بودجەیا ڕاستەقینە بۆ ده‌ڤه‌ران هه‌وه، ئەڤە ژبلى پێشكێشکرنا خزمەتگۆزاريێن پێدڤى وەک بنگه‌هێ ساخله‌ميێ، قوتابخانه، جاده و رێ بو گوندان.
دوپاتكر،پێتڤيه ئه‌م هەموو ل ڕۆژا سەرژمێریێ دا ڤه‌گەرن و ناڤێن خۆ تۆمار بکەین ل ده‌ڤه‌ر و گوندێن خۆ داكو مافێن خۆ بپارێزين و ژ ده‌ست نه‌ده‌ين.