سه‌ما
ئێڤارييا ئيرۆ پێنج شه‌مبوويێ 14/11/2024، ده‌سته‌يا بلندا بنگه‌هێ لالش ل دهۆكێ دانوستاندنه‌كا ڤه‌كرى ل دۆر رۆلێ ره‌وشه‌نبیر و ئه‌كادیمیێن ئێزدی د سه‌قامگێریا جڤاكی دا پشتی 10سالێن جێنوسایدێ بۆ خدر دوملی، ڤه‌كۆله‌ر د بیاڤێ ئاشتی و مافێ مرۆڤی دا رێكخست.
ل به‌راهيێ وه‌ك رێزگرتن ل سه‌ر گيانێ جانگۆريان ئاماده‌بوويى خۆله‌كه‌كێ راوه‌ستيان، ل پێرا خدر دوملى ڤه‌كۆله‌ر د بیاڤێ ئاشتی و مافێ مرۆڤی دا باس ل رۆلێ ره‌وشه‌نبيرێن ئێزدى ل پشتى جينۆسايدا بسه‌رێ ئێزديان دا هاتى ل 3/8/2024 ل سه‌ر ده‌ستێ تيرۆرستێن داعشێ و دياركر، گرنگه ره‌وشه‌نبير رۆلێ خۆ ببينن بۆ ديكيۆمێنتكرنا هه‌موو فه‌رمانان.
دوملى ئاماژه ب وێ چه‌ندێ دا، پێدڤيه ئێزدى ژ قۆناغا نهۆ يا زيانداريێ ده‌ربكه‌ڤن و ده‌ست ب قۆناغا ئاڤاكرنێ بكه‌ن.
گۆتژى: نێزيكى 200مامۆستايێن ئێزدى ل زانكۆيێن هه‌رێما كوردستانێ و عيراقێ هه‌نه.
لدوڤدا ده‌رگه‌هێ دانوستاندنێ دناڤبه‌را ئاماده‌بوويان دا هاته ڤه‌كرن و ئاماده‌بوويان چه‌ندين پرسيار ئاراسته‌كرن و به‌رسڤ ژلايێ خدر دوملى ڤه ل سه‌ر هاته دان.
پێنج ره‌وشه‌نبيريا هه‌موو ره‌وشه‌نبير و ئه‌كاديميێن ئێزدى ل هه‌ڤ كۆمڤه دكه‌ت و گه‌نگه‌شه ل سه‌ر مژارێن گرنگ يێن گرێدايى ب جڤاكا ئێزديان ڤه دئێنه گوتۆبێژكرن.
